Elytra, hiru negozio ezberdin dituen ETE gipuzkoarra
Elytra Gipuzkoako ETE bat da eta euren artean harreman eskalatua duten hiru negozioengatik bereizten da: mantenu elektrikoko sistemak, altuerako segurtasuna eta magnetismoak. Enpresak familia-enpresaren izaerari eusten dio eta bere fakturazioaren %5a I+D-ra zuzentzen du. 25 pertsonako plantillarekin duela bost urte ekin zion nazioartekotzeari.
Informazio hau “Zutaz mintzo gara” ekimenaren bidez sortu da. Honen bidez, SPRI Taldeak euskal enpresei beren proiektuak SPRIren plataforman ezagutzera emateko aukera ematen die.
Enpresa Donostian sortu zen 1963an eta 1970an gaur egungo Lezoko instalazioetara lekualdatu zen. Bere hastapenetan, enpresa honek garabi edota makina mugikorretarako mantenu elektrikoko sistemak (hala nola, kable elektrikoak kiribiltzeko gailuak) eskaintzen ziharduen. 1970eko hamarkadan “banaketa magnetikoko sistemekin eta mantenuan, zeramikan edo zementazioan burdin materialak birziklatzeko sistemekin hasi ginen” azaltzen du Gorka Olaizola gerenteak. Esate baterako, burdina banantzeko irinen sektorean dihardute, harrigarria dirudien arren, “ekoizpen-prozesuagatik beti geratzen baita burdin arrastoren bat”.
90eko hamarkadaren hasieran Elytra bere hirugarren negozioan sartu zen: industrian altueran egiten diren lanetarako segurtasuna. Marka ingeles baten banatzaile eta instalatzaile gisa hasi ziren. “Eta duela 10 urte altuerako segurtasun-produktuen ekoizle bilakatu ginen. Lehen instalatu egiten genituen; orain, ordea, instalatzaileei saltzen dizkiegu”.
Hainbat motako produktuak
Hala, konpainiak hainbat motako produktuak eskaintzen dizkie bere bezeroei. Mantenu elektrikoan, kable elektrikoak kiribiltzeko gailuak dira, makina mugikorrei eta kableak eramaten dituzten kateei mantenu elektrikoa ahalbidetzeko kolektoreak. Altuerako segurtasunean, segurtasuneko kable-sistemak dira, bai horizontalak bai bertikalak, eraikuntzako obretara eta eraikin industrial zein zibiletara zuzenduak. “Gainera, barandak bezalako babeserako beste produktu batzuk ere merkaturatzen ditugu”. Enpresa honen hirugarren negozioan, magnetismoan, plaka magnetikoak bezalako produktuak merkaturatzen dituzte, “imanen oinarri direnak, hala nola danborrak edo estraktoreak”.
Empresako produkto batzuk.
“Dibertsifikatzearen alde egin genuen eta funtzionatu egiten du”. Negozio nagusia mantenu elektrikoa da, eta honen ostean segurtasuna eta magnetismoak. Honako sektoreetarako lan egiten dute: industria-sektorea, portuetatik hasi eta fundiziora arte; altuerako segurtasuna eta, magnetismoan, mantenua, zeramika eta birziklapenetik hasi eta zementu, irin eta azukre-enpresetara arte.
Enpresaren ohiko merkatuak Iberiar Penintsulakoak dira, baina duela bost urte Latinoamerikan sartu zen. “Eta dagoeneko esportazioaren %15-20an gaude”.
Elytraren abantailetako bat bezeroentzako arreta da, “oso berehalakoa da eta arretarako stock nabarmena dugu”.
Plantilla 25 bat pertsonak dute eta urteko fakturazioa 5 milioi euro baino gehiagokoa da. Ingresuen %5a I+D-ra zuzentzen da, “batez ere segurtasunaren sektorean. Produktua garatzeko ofizina tekniko bat dugu eta zentro teknologikoekin elkarlanean ibili gara”.
Enpresaren erronkak honakoak dira: produktua garatzea eta hau haztea, I+D-ko inbertsioa areagotzen jarraitzea eta erbesteko merkatuak handitzen jarraitzea. “Latinoamerikan, gauden tokian, finkatu nahi dugu, eta beste leku batzuetara zabaldu.
Lotutako albisteak
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.