Enpresen lehiakortasuna hobetzea helburu duen Eusko Jaurlaritzaren programak aurrekontu handiagoa izango du eta proiektu gehiago babestuko ditu
SPRI Taldeak kudeatzen duen Innobideak 2018 ekimenak aukera ematen die LHko ikastetxeei eta Eskaintza-Eskaerako Bitartekaritza Eragileei enpresen hornitzaile izateko
Programa horrek, irailaren 27ra arte zabalik egongo denak, 2,5 milioi euro esleituko dizkie euskal enpresei berrikuntza-proiektuak garatu ditzaten
Eusko Jaurlaritzaren Innobideak programak, euskal enpresen kudeaketa hobetzea eta negozioa dibertsifikatzea helburu duenak, aurrekontu handiagoa izango du aurten, eta horri esker, enpresek proiektu gehiago aurkeztu ahal izango dituzte. Gainera, Lanbide Heziketako ikastetxeek eta Zientzia, Teknologia eta Berrikuntzaren Euskal Sareari atxikitako eskaintza-eskaerako bitartekaritza eragileek enpresen hornitzaile izan ahalko dute.
SPRI Taldeak –enpresen garapenerako euskal agentziak- kudeatzen duen programa horrek 2,5 milioi euro jarri ditu euskal enpresen eskura, beren lehiakortasuna hobetu dezaten berrikuntzak aplikatuz arlo hauetan: kudeaketa, merkatuak birdefinitzea aukera nitxo berriak bilatuz, produktu berriak definitzea, antolakuntza-eredu berriak, produkzio-prozesu berriak eta negozioaren optimizazioa, formulak bilatuz pertsonen parte-hartzea sustatzeko. 2018ko deialdiko zuzkidura aurreko ekitaldikoa baino %15 handiagoa da eta eskaerak aurkezteko epea zabalik dago irailaren 27ra arte.
Innobideak programak aurtengo edizioan dakartzan nobedadeetako bat da diruz laguntzeko moduko proiektuen artean sartu dituela antolakuntzan eta prozesuetan berritzea helburu duten proiektuak. Horiez gain, Programak orobat babestuko ditu orain arte babestu izan dituen esparruak: produktua eta merkatua.
Gainera, laguntzak dekretu bakar batean bildu dira, non hiru laguntza-ildo bereizten baitira: Lehiabide, Kudeabide eta Pertsonak. Kudeabide ildoaren helburua da enpresen lehiakortasuna hobetzea kudeaketa aurreratuaren bitartez, Lehiabide ildoarena produktuetan, prozesuetan, merkatuetan eta antolakuntzan berritzea, eta Pertsonak ildoarena langileek parte har dezatela enpresetan.
Bestalde, Zientzia eta Teknologiaren Euskal Sareko (ZTBES) Eskaintza-Eskaerako bitartekaritza eragileek eta Lanbide Heziketako ikastetxeek enpresen aholkulari bezala parte har dezakete programan. Orain arte enpresek ildo bakoitzeko laguntza-proiektu bat baino ezin izan dute aurkeztu, baina aurten ez dute inolako mugarik.
2013. urteaz geroztik martxan
Innobideak programaren helburu nagusia da ETEei berritzen laguntzea teknologia arloko I+G-z harago. Estrategia horren onuradunak dira industri arloko enpresak, enpresa horien produkzio prozesuari lotutako zerbitzu teknikoetako enpresak, eta informazio eta komunikazio gizartearen arlokoak, baldin EAEn zentro bat badute beren jarduera ekonomikoa garatzeko.
Innobideak programak, 2013. urteaz geroztik martxan dagoenak, eta harrezkero hainbat berrikuntza sartu dituenak bere jarduera-ildoetan (Foru Aldundien lakindetzarekin Kudeabide ildoan), 1.720 proiektu babestu ditu industria arloko 660tik gora enpresatan, horietatik %72 Euskadiko arlo estrategikoetakoak, RIS3 espezializazio adimenduneko estrategian esaten den bezala.
Enpresa horien fakturazioa 3.000 milioi euro ingurukoa da eta EAEko industria arloko BPGren %17 baino gehiago ordezkatzen dute. Aipatzekoa da 50 langile baino gutxiagoko enpresak direla Innobideak programan gehien parte hartzen dutenak, baina, orobat, parte hartzen dutela gure ekonomian trakzio-indarra egiten duten enpresa garrantzitsuek.
Iaz, SPRIk bi milioi eurotik gorako laguntzak esleitu zizkien onartutako 119 proiektuei; horrezaz gain, aipatzekoa da hiru Foru Aldundiek diru-laguntzak eman zizkietela Kudeabide ildoko proiektuei, programa horretako erakunde arteko lankidetzaren markoan.
Berrikuntza teknologikoaren ezaugarri nagusia da teknologia garatzea edo harekin erlazionatutako nobedadeak erabiltzea, aldiz, berrikuntza ez-teknologikoa antolakuntza eta merkatu arloetako berrikuntzekin lotuta dago. Eragina du enpresako arlo guztietan, eta, zehazki, alderdi hauetan: kudeaketako eredu eta praktikak, hornitzaile, bezero, langile eta bazkideekiko harremanak eta horien parte-hartzea, nola erosten eta saltzen dugun, logistikarekin zerikusia duten kontuak, eta merkatu berrietara sartzeko edo aukera berriak identifikatzeko moduak.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Haizea Wind Groupek bere hazkundea sendotu du, 2024an 371 milioiko salmentekin eta 18 milioiko irabaziekin
Haizea Wind Groupek, gainera, 2025ean hazkundea sendotzea aurreikusten du, kontratatutako eskaera zorroari esker