Eraikuntzaren hondakinak balio handiko material bihurtzeko proiektu europar batean parte hartu dute sei euskal erakundek
Proiektua oso garrantzitsua da. Iceberg du izena eta bertan hamar herrialdetako 35 erakunde publiko eta pribatuak parte hartzen dute. Horietako seik Euskadin dute egoitza: Tecnalia, Gaiker (biak BRTAko kideak), Ihobe, Lezama Demoliciones, Serikat eta Viuda de Sainz. EBk finantzatzen du, Horizon 2020 programaren bidez. Proiektua 15,6 milioi euro ditu guztira, eta horietatik 13 milioi EBren programarenak dira.
Iceberg-ek “ekonomia zirkularrean oinarritutako irtenbideak bilatzen ditu, balio-bizitzaren amaieran adierazgarriak diren eraikuntza-materialak sortuz baliabide material baliotsuak modu eraginkorrean berreskuratzea posible dela frogatzen dutenak”. Datozen lau urteetan, materialak berrerabiltzeko teknologia berriak diseinatu eta abian jarriko dira, balio handiko beste batzuk lortzeko, % 8 baino gutxiagoko ezpurutasunarekin.
Proiektuak sei azterketa-kasu baliozkotzea proposatzen du Europako hainbat tokitan, hormigoia, zeramika, zura, igeltsua, apar isolatzaileak eta material superisolatzaileak bezalako materialekin. Eraikuntza eta eraispen-hondakinak zabortegira eraman beharrean balio erantsi handiko material bihurtzea da helburuetako bat. Sei kasu horiek ekonomian, ingurumenean eta pertsonen osasunean duten eragina ere aztertuko da.
Proiektuak soluzio adimendunak eskainiko ditu eraikuntzako materialak berreskuratu eta berrerabiltzeak dakarren alderantzizko logistika laguntzeko. Adibidez, eraispenean laguntzeko tresna bat garatuko da, eraitsi beharreko eraikinaren eredu birtual bat azkar eta zehatz sortzen lagunduko duena. Horrela, hobeto kalkula daitezke espero diren hondakin-motak eta kantitateak eta baita ingurumen eta ekonomia-eraginak ere. Materialen eta produktuen identifikazioa eta trazabilitatea ere hobetuko dira.
Bestalde, Iceberg-ek hondakin mistoen bereizketa automatikoa hobetzeko apustua egin du, eta, horretarako, “sentsore hiperespektralen bidez bereizketa-unitate mugikor bat diseinatu eta fabrikatuko du, machine-learning softwarea, beso robotizatuak eta pita haizatzaileak barne, hondakin mistoen bereizketaren eraginkortasuna hobetzeko”, azaldu dute proiektuaren arduradunek.
Proiektu honetatik eratortzen diren eraikuntzarako produktu berriak “iraunkorrak izango dira, erraz desegiteko modukoak, eta berreskuratutako materialen kopuru handiak izango dituzte, % 30 eta % 100 bitartean. Material berri horiek honako hauek izango dira, besteak beste: eko-zementuak eta eko-hormigoiak, hormigoi ultra-arinak, karbonatazio bidez aurrefabrikatutako hormigoizko blokeak, energia gutxiago txertatzen duten zeramikazko produktuak (% 40 gutxiago), zurezko zuntzezko panel isolatzaileak, isolamendu termiko handiagoa eta %35-arte birziklatutako igeltsua duten igeltsu laminatuko plakak eta birziklatutako poliuretanozko panel isolatzaileak.
Tecnalia da Icebergen koordinatzaile lanak egiten dituen teknologia-zentroa. Bestalde, Ihobe izango da proiektuaren komunikazio-lanen arduraduna. Gaiker-ek hondakinak bereizi eta automatikoki sailkatzeko unitate mugikorra garatzen lagunduko du. Horrez gain, Demoliciones Lezama, Serikat eta Viuda de Sainzek parte hartuko dute beren ezagutza emanez eta alderantzizko logistikarako euskarri-tresnak garatzeaz gain, tokiko azterketa kasu batean irtenbide guztiak balioztatzen (proiektuak aurreikusten dituen 6 azterketa-kasuetatik bat Euskaditik gidatuko da). Proiektuaren kideen aburuz, Iceberg-ek 1.758 milioi euroko irabazia eta 6.265 lanpostu berri lortuko ditu 2030 urtean.
SPRI Taldeak euskal enpresen I+G bultatzen du, tresna, aktibo, laguntza, lan-talde eta aliantzen bidez, ikerketa sustatzeko eta teknologia berriak sortzeko, Elkartek, Emaitek edo Hazitek bezalako programen bidez. Programa horien informazioa hemen eskura dezakezu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.