Eskualdeen lehiakortasuna sustatzeko topaketa batean parte hartu du SPRIk Belgikan
Clusters Meet Regionen parte hartu du SPRI Taldeak, Belgikan. Ekosistema adimendunen eta berritzaileen bidez eskualdeen lehiakortasun ekonomikoa sustatzea da ekitaldi horren helburua. Asteazkenean eta ostegunean zehar, Charleroi Métropole eskualdearen garapen-estrategia, haren emaitzak eta Valoniako testuinguruan nola integratuta dagoen aztertzeko aukera izan dute ekitaldira joan direnek. Era berean, industria astunaren eta meatzaritzako sektorearen beherakadak gogor erasandako eskualdearen eraldaketari klusterren sustapenak nola lagundu dion aztertu dute.
Cristina Oyon SPRI Taldeko Teknologia, Berrikuntza eta Jasangarritasun zuzendariak parte hartu du Europako Batzordeak (DG GROW), Klusterren Lankidetzarako Europako Plataformak eta EURADA Garapen Agentzien Europako Elkarteak antolatutako jardunaldi horietan. Ekainaz geroztik, EURADAko presidenteordea da Oyon.
1992an sortu zen EURADA, Europako eremu politikoaren barruan eskualdeen garapena eta tokiko garapena bultzatuko duten politikak sustatzeko. Helburu hori lortzeko, hainbat jarduera antolatzen ditu. Esaterako, kideen artean praktika berritzaileak partekatzea sustatzen du, bai eskualdeen artekoak, bai nazioartekoak. Jarduera hori oso lerrokatuta dago Klusterren Lankidetzarako Europako Plataformak eta Europako Batzordeko GROW zuzendaritza nagusiak antolatzen duten Clusters Meet Regions egitasmoaren helburuekin.
Cristina Oyonek, bere parte-hartzean, Charleroi Metropoleren egoera Euskal Herriak duela 40 urte baino gehiago zuen egoeraren antzekoa dela esan du. Orduan, teknologian eta berrikuntzan oinarritutako industria-politika ezartzen hasi zen Eusko Jaurlaritza, eta oraindik ere jarraitzen du estrategia horrek. Era berean, klusterrak sortzearen eta horien parte-hartzearen garrantzia nabarmendu du, eta nazioarteko posizionamenduan, digitalizazioan, garapen teknologikoan, berrikuntzan eta espezializazio adimendunean oinarritutako politika industrial bat ezartzeko mekanismo giltzarriak direla esan du.
EURADAko presidenteordea denetik, elkarte horrek eskaintzen duen lankidetza- eta ikaskuntza-esparrua zabaltzea eta aberastea proposatu du Oyonek, zuzendaritza-batzorde berriko gainerako kideekin batera.
Zehazki, Europako erakundeetara jotzeko apustua egin du, eskualdeko garapen-politikek Europako panoramaren barruan dagokien lekua dutela ziurtatzeko. Europako Batzorde berria eratu den, Kohesio Politikaren erreformari buruzko eztabaidak abian diren eta teknologiari eta berrikuntzari buruzko esparru-programa berrirako (FP10) prestaketak egiten ari diren une honetan, bereziki garrantzitsua da hori.
Bigarren jarduera-eremua eskualdeei zuzenduta dago. Une honetan Europak ahalegin kolektiboa behar du AEBrekiko eta Txinarekiko arrakala ixteko; bereziki, garapen teknologikoari eta berrikuntzari dagokienez. Gainera, garapen industrial jasangarriaren arloan munduko liderra izan nahi du Europak, 2050erako isurpen garbiak hutsera murriztuta eta helburu hori hazkunde ekonomikoaren katalizatzaile gisa erabilita. Testuinguru horretan, Europako industriak trantsizio honetan zehar hazteko aparteko aukera duela nabarmendu du Cristina Oyonek. Horretarako, teknologian, berrikuntzan, jasangarritasunean eta berdintasunean oinarritu behar dugu gure garapena. Halaber, EURADAko kideak diren agentzien xedea honakoa dela adierazi du: lehiakortasun-palanka horiek inpaktu ekonomikoa, soziala eta ingurumen arloko inpaktua izango duten ekintza esanguratsu bilakatzea, bai eskualde mailan, bai Europa osoan.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.