Estatu Batuek baimendu dute saltzea iLine Microsystems enpresak garatutako gailu bat antikoagulatzaileak kalibratzeko
Euskal enpresak hasieratik izan du SPRI Taldearen laguntza, Ekintzaile programaren eta Bic Gipuzkoak emandako tutoretzaren bidez
Gipuzkoako Zientzia eta Teknologia Parkean kokatutako iLine Microsystems enpresak terapia antikoagulatzaileak kalibratzeko gailu berri bat garatu du eta Estatu Batuetako gobernuak oraintsu baimendu du gailu horren salmenta AEBetako merkatuan. Euskal enpresak hasiera-hasieratik izan du Eusko Jaurlaritzaren laguntza SPRI Taldearen bitartez (enpresen garapenerako euskal agentzia), Ekintzaile programaren laguntzak eta BIC Gipuzkoaren tutoretza jaso baititu.
Enpresak jakinarazi duenez, FDAk (Estatu Batuetako osasun agintaritzak) arestian onartu du microINR izeneko koagulometroa, kalitate goreneko gailua dela egiaztatu ondoren. Gailu eramangarria da eta ahotiko terapia antikoagulatzaileak monitorizatzeko erabiltzen da, adibidez, Sintrom medikamentua hartzen duten pazienteen tratamenduan. Sistemak hainbat abantaila berritzaile ditu, esaterako, automatikoki kalibratzen ditu dosiak eta bolumen oso gutxi behar du laginak egiteko; hala, pazientea seguruago eta asebeteago sentitzen da.
“FDAk gure gailua onartu izanak erakusten du sistema kalitatezkoa eta fidagarria dela, eta baliagarri izango da ez bakarrik negozioa AEBetan zabaltzeko, baizik eta baita ere kalitate berme izateko gure bezero eta erabiltzaileentzat” dio Iñaki Sádabak, iLine Microsystems enpresako kontseilari delegatuak.
Lotutako albisteak
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.