Europako EEn partzuergoak (non parte hartzen baitu SPRI Taldeak) plataforma bat bultzatu du konponbideak bilatzeko koronabirusaren krisiarentzat
Ekimenak 168 erakunde biltzen ditu dagoeneko, besteak beste Espainiako 46, eta euskal enpresa bat ere badago tartean
Enterprise Europe Network (EEN) partzuergoak, nazioarteko proiekzioa duten ETEei laguntzeko munduko sarerik handienak (SPRI taldea partzuergoaren koordinatzailea da Euskadin), plataforma bat sortu du koronabirusaren aurkako neurriak eta konponbideak bultzatzeko. Ekimenak dagoeneko 168 erakunde biltzen ditu, horietatik 46 Espainiakoak, eta euskal enpresa bat ere badago tartean.
Care & Industry together against CORONA izeneko plataformaren helburua da Europako eragile guztiak batzea eskaintzak eta eskaerak bateratzeko, ezagutzak eta ikuspegiak partekatzeko eta neurrira eginiko laguntzaren ikuspegi orokor bat emateko norbere eskualdean. Asmoa da pandemia bukatutakoan beharko den laguntza prestatzea.
Ekimenaren amaierako helburua da lankidetzak bilatzea erregistratutako antolakundeen artean, eta horrela irtenbideak bilatzea koronabirusaren krisiak eragindako arazoak konpontzeko.
Care & Industry together against CORONA plataformak aukera ematen du harreman espezifiko eta azkarrak sortzeko osasun, industria eta hezkuntza arloetako eta gobernuetako eragile guztiekin. Hala, interesatuek beren profila aurkeztu dezakete onlineko plataforma baten bitartez.
Ahalik eta fidagarritasun handiena bermatzeko eta iruzurrak eta abusuak saihesteko, Enterprise Europe Network sarearen eskualde mailako antolakundeek baliozkotuko dituzte profil guztiak.
Basque EEN Partzuergoaren koordinatzaile den SPRI Taldea (Innobasque, Beaz eta Ganberak ere partzuergo horren barruan daude) prest dago balizko bazkideak bilatzen eta identifikatzen laguntzeko, eta horrela inpaktu handiena izango duten ekimen egokienak aukeratzeko. Sortu den plataforma berri horrek orobat informatzen du koronabirusaren aurkako ekimen, ekitaldi eta proiektuen deialdi esanguratsuenei buruz.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.