Euskadi da 2019an I+Gn gehien inbertitu duen Estatuko lurraldea (BPGren % 1,97)
- Tapia: "Europak inbertsio lehiakorrak lehenesteaz hitz egiten duen honetan, komenigarria da erkidego bakoitzak ingurune berritzaileak izateko egin duen ahalegina eta apustua gogoratzea eta datuekin alderatzea"
- Tapiak nabarmendu duenez, "ikerkuntzan eta teknologian inbertitzeko ahalegin hori bultzada publiko eta pribatuari esker egin da"
- "Euskadik I+Gko inbertsioan buru izaten jarraituko duen 2021. urte baten aldeko apustua egiten ari gara; Eusko Jaurlaritzak % 6ko hazkundea izango du arlo horretan, euskal industriaren lehiakortasun-muskulua indartzeko estrategia erabakigarri gisa"
Ekonomiaren Garapeneko, Jasangarritasuneko eta Ingurumeneko sailburuak INEren (Estatistikako Institutu Nazionala) datuak baloratu ditu gaur goizean; izan ere, Euskadi izan da 2019an I+Gn gehien inbertitu duen Espainiako lurraldea.
Tapiak Eraikune kongresuan eman duen hitzaldian egin ditu adierazpen horiek, gaur goizean, eta esan duenez, “berrikuntza industrialak edo eraikuntzaren berrikuntzak bakarrik ahalbidetuko dute ekonomia jasangarria eta bidezkoa suspertzea. Ez dugu esango gure jokalekua ezin hobea denik, baina ziurtatzen dizuet Euskadin, I+Gn inbertsio iraunkorra lortzeko egindako ahaleginari esker, Estatuko gainerako tokietan baino irteera hobea izango dugula suspertze horri aurre egiteko”.
“Eta ez da geure burua Estatuko autonomia-erkidegoekin alderatzea gustatzen zaigulako, -nahiago baitugu Europa iparraldeko beste eskualde berritzaileago batzuetara begiratu-, baina une honetan, Europako funtsei, horien kudeaketari eta banaketari buruzko eztabaida betean, Euskadi baliabideak erakartzeko interesa duen autonomia-erkidegoa izango da. Europak inbertsio lehiakorrak lehenesteaz hitz egiten duen honetan, komenigarria eta egokia da gogoratzea, eta datuekin kontrastatzea, erkidego bakoitzak ingurune berritzaileak izateko egin dituen ahalegina eta apustua”.
“Estatistikako Institutu Nazionalak berriki emandako datuaren arabera, Euskadi da 2019an I+G arloan gehien inbertitzen duen erkidegoa. Gure BPGaren % 1,97 inbertitu genuen, eta ondoren Madril dago, % 1,71rekin.
Ikerketan, teknologian eta berrikuntzan inbertitzeko ahalegin hori lan publikoari eta pribatuari esker egin da, eta horrek lehia-faktore bat izan beharko luke proiektu berritzaileak indartuko dituzten funtsak erakartzeko”.
“Nolanahi ere, eta baliabide horien kudeaketaren emaitza ezagutu arte, gure ibilbide-orriak I+G arloaren aldeko apustu jarraitua izango du ardatz. Hala, 2021. urtean Euskadik inbertsio horren buru izaten jarraituko du, eta Eusko Jaurlaritzak % 6ko hazkundea izango du arlo horretan, euskal industriaren lehiakortasun-muskulua indartzeko gai erabakigarria baita”.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa