Euskadi enpresa bioteknologiko gehien dituen laugarren erkidegoa da
Estatuan enpresa bioteknologikoen kopuruari dagokionez, Euskadi laugarren erkidegoa da, Katalunia, Madril eta Andaluziaren atzetik. Biozientzien eta osasunaren sektorea Euskadirako espezializazio adimendunaren estrategiaren (RIS3) barruan adierazitako lehentasunezko blokeetako bat da. Ahalegin horiek aurrerapenak bultzatu dituzte arlo horretan.
Guztira, 70 enpresa lan egiten dute jarduera honetan Euskal Autonomia Erkidegoan, Espainiako Bioenpresen Elkartearen (Asebio) txostenaren arabera. Batez besteko 1,8 milioi euroko fakturazioarekin, bioteknologian aritzen diren euskal konpainiak Estatuko fakturazioaren % 1,2 dira.
2019an, 27 biotech berri hasi ziren Estatu osoan. Euskadi arlo honetan ere lehenengo postuetan dago, soilik Kataluniaren atzetik. Izan ere, lau euskal enpresa bioteknologiko berri sortu ziren urte horretan: Cellia Regenerative Medicine (gailu medikoen garapena), Innovatek Krea (produktu teknologikoen garapena mikrokapsularatzea aplikatuz), Miramoon Pharma (gaixotasun muskular eta neurologikoen eta zahartzearen aurkako farmakoak sortzeko, bai eta molekula adimendunak nahasmendu neurodegeneratibo eta arraroetarako) eta Onena Medicines (minbizi metastasiko mota desberdinetarako antigorputzak garatzen espezializatua).
Asebiok egiaztatu duenez, inpaktuko aldizkari zientifikoetan egindako argitalpenek % 38 egin dute gora 2019an, 2018. urtearekin konparatuta. Gasteizen kokatuta dagoen BTI Biotechnology Institute euskal enpresak zerrenda honen buru da, 25 argitalpenekin. 2019an artikulu zientifiko gehien argitaratu dituzten hamar enpresa bioteknologikoen artean, bi euskaldunak dira: BTI bera eta Progenika, Derioko Bizkaiko Teknologia Parkean dagoena.
Gainera, Gipuzkoako VIVEbiotech konpainia Asebion bertan terapia aurreratuen estatuko lantaldearen buru izaten hasi da 2020an. Talde horrek gene, zelula eta ehun-terapiak garatzen dituzten enpresen arteko lankidetza indartu nahi du, administrazioarekin elkarlana sustatzearekin batera.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez