Euskadik ekainean maskara-ekoizpena bikoiztea lortuko du, hilean 20 milioirekin, eta osasun-, ekoizpen- eta euskal gizartearen beharrei erantzungo die
Tapiak euskal industriaren lana goraipatu du, Osasun Sailak eta biztanleek beharrezko baliabide guztiak izan ditzaten lanean ari delako. Aste honetan bertan 10 miloi maskara/hileko ekoizten hasiko dira, eta ekainean bikoiztu egingo da kopurua.
Deseskalada deszentralizatuak errealitate bat izan behar du, “normaltasun berria” berreskuratuko duen gizarte bat behar dugu, toki bakoitzeko egoera neurtuz.
Aste honetan jarduera zabaltzen ari da, baina garraioaren egoera joan den astekoaren oso antzekoa da eta babes-neurriak betetzen ari dira.
Ekonomiaren Garapen eta Azpiegitura sailburuak gaurkotasuna errepasatu du Onda Vasca irratiari eskainitako elkarrizketan.
Tapiak adierazi duenez “ekainerako maskara ekoizpena bikoizteko aukera izango dugu, eta Euskadin ekoitziko dira, Euskadirentzat. Funtsezkoa da sistema soziosanitariotik maskara espezifikoagoak eskura izatea. Euskaditik ekoizpena handitzen ari gara, bai arlo soziosanitarioan, bai produkzioan eta, oro har, biztanlerian. Segurtasun-distantziak mantendu ezin ditugunean, maskarak eskatuko dizkigute eta eszenatoki guztiei aurre egiten ari gara.” Ekoitziko diren maskaretatik, 10 miloi espainiar estatura bideratuko dira, eta beste 10 milioiak Euskadiko beharrei erantzuteko izango dira.
Maskara hauen produkzioaren arira sailburuak eskerrak eman dizkio Euskadiko industriari gizarte osoaren beharrei erantzuteko egiten ari den ahaleginagatik: “Une honetan Teknika ari da maskarak homologatzen, Euskadin pentsatu, diseinatu eta ekoizten, eta gure osasunean eta biztanlerian pentsatuz atzean dagoen ekipo guztiak ditu beharrezkoak diren baliabide guztiak etorkizunean maskarak hornitzeko, eta hori eskertzekoa da.”
Deseskalada
Era berean, sailburuak Espainiako Gobernuari buruz esan du, Lehendakariak aurreratu bezala, “gauzak egiteko beste modu bat ezarri behar dela, elkarlanean lan egin eta koordinatu nahi badugu. Denok ontzi berean gaude, eta beste modu batean laguntzen eraginkorragoa izan liteke”.
Sailburuak Alemania jarri du deseskalada dezsentralizatuaren adibide gisa: “Errealitate sozio-ekonomikoari baina, batez ere, osasunari dagokionez, deseskalada bat egin dezakegu Alemania bezalako estatu deszentralizatu bati begira, neurri zorrotzagoekin edo ez bakoitzaren errealitatearen arabera. Espainiako Estatuak beti esan izan du Europako deseszentralizatuenetako bat garela; izan ere, praktikan jartzen badugu, ez da leialtasunik eza.
Jardueraren itzulera
Ekoizpena pixkanaka eta kontu handiz hasi da normaltasunera itzultzeko bidea egiten. Gaur jarduera gehiago espero da eta garraioan segurtasuna bermatzen ahalegintzen ari gara. Maiztasunak handitu dira eta segurtasun pertsonaleko neurriak gorde dira. “Ekonomia eta Osasuna bateragarri egitea, hori defendatzen dut konbentzituta nagoelako; aitzitik, gero eta gehiago entzuten ari dira eusten diren bi elementu diren ahotsak, eta ekonomia produktibo bat behar dugu, gure osasun sistemari eusteko.”
Lotutako albisteak
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Zure proiektua bultzatu 2025eko Ostegun Ekintzaileekin
"Kabiak" ekintzailetzako ekosistema sendotu du ‘Ostegun ekintzaileen’ beste ibilbide batekin