Euskadiko ITS Batzarraren 15. edizioa jasoko du Bilbok, mugikortasunari buruzko enpresen urteroko hitzordua
Bilbok Euskadiko ITS Batzarraren hamabosgarren edizioa jasoko du azaroaren 15ean. Mugikortasun adimendunagoa (hau da, eraginkorragoa, seguruagoa eta garbiagoa) lortzeko produktuekin, teknologiekin, soluzioekin eta zerbitzuekin lan egiten duen industria-sektorea biltzen du batzar horrek. Dagoeneko izena eman daiteke.
Bilboko Itsas Museoan, Itsasmuseumen, egingo dute topaketa. Bertan, 14 ponentzia egingo dituzte; kasu praktikoak azalduko dituzte, eta teknologia berritzaileak txertatzeak mugikortasunari eta Euskadiri eskaintzen dizkien aukerak arakatuko dituzte. Ildo horretatik, hainbat esperientzia erakutsiko dituzte, hala nola Bizkaiko bidesariak kudeatzeko sistema bateratua, Londreseko emisio baxuko eremua, Kairoko monorraila edo ibilgailu industrial batekin urrutitik lan egiteko sistema. Horien abantailak, aukerak eta ikasitako lezioak arakatuko dituzte.
Ekitaldiak, gainera, adibide praktikoak erakutsiko ditu. Zehazki, Itzuliko bizikleta-istripuan azpiegiturak nola egin zuen, eta ikuskapen autonomoko sistemek zer aukera eskain ditzaketen horrelakoak prebenitzeko. Gainera, Adimen Artifizialaren, V2X (vehicle to X -everything-) konektibitatearen edo mapa aberastuen gisako teknologien erabileratik eratorritako beste aplikazio batzuk ere aurkeztuko dira.
Euskadiko Mugikortasun eta Logistika Klusterrak antolatu du ekitaldia, Bizkaiko Foru Aldundiaren laguntzarekin. Inaugurazioan izango dira Carlos Alzaga, Aldundiko Azpiegituren eta Lurralde Garapenaren ahalduna; Nora Abete, Bilboko Udaleko alkateordea eta Mugikortasun eta Jasangarritasun Saileko ordezkaria; eta Eduardo Lasa, klusterreko presidentea.
Euskadin mugikortasunaren eta garraio-teknologien gainean lanean ari diren enpresen eta eragileen urteroko hitzordua da Euskadiko ITS Batzarra, eta sektoreko azken aurrerapenak aurkezten dira bertan, proiektu berritzaileenen bidez.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
ACLIMA bere 30. urteurrena ospatzen du industria garbiago baterako lankidetza publiko-pribatuaren balioa azpimarratuz
Klusterra 1995ean sortu zen, Eusko Jaurlaritzaren laguntzarekin, Ihobe eta SPRI sozietate publikoen bitartez
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.