Euskal enpresek eta eragile teknologikoek Europak berrikuntza eta ikerketa proiektuei ematen dizkien finantzaketa aukerak ezagutu ahal izan dituzte
SPRIk, Innobasquek eta Beaz-ek “Infoday Horizonte 2020” deritzon jardunaldia deitu dute urriaren 3 eta 4rako, Europako Batzordeak I+G+b arloko finantzaketarako abian duen Horizon 2020 europar programaren azken deialdietan 11.000 milioi euro banatuko dituela azaltzeko
Ekimen hau duela 5 urte abian jarri zenetik, Euskadik 562 milioi euro lortu ditu berrikuntza eta ikerketa arloetako 941 proiektu finantzatzeko, nazioarteko erakunderik onenen lankidetzarekin
SPRI Taldea, Innobasque eta BEAZ bazkide dituen Basque Enterprise Europe Network partzuergoak dei egin die Zientzia, Teknologia eta Berrikuntzaren Euskal Sarea osatzen duten enpresei eta eragileei, urriaren 3an eta 4an Europako Batzordeak 2020a amaitu arte berrikuntza eta ikerketa proiekturik onenak finantzatzeko I+G+b arloko Horizon 2020 ekimenaren azken deialdietan erabiliko duen 10.000 milioi euroko zenbatekoari atxikitako finantzaketa aukerak ezagutzeko jardunaldian parte har dezaten
Jardunaldia zein ekimena RIS3 espezializazio adimenduneko euskal estrategiari (fabrikazio aurreratua, energia, biozientziak/osasuna eta elikadura) atxikitako sektoreei zuzenduta daude, hazkunde ekonomikoa eta enpleguaren sorrera bultzatzeko helburuarekin, eta arreta berezia emanez zientzia bikainaren sorkuntzari, lidergo industrialaren sustapenari eta Europar Batasunak gainditu beharreko erronka sozialen konponketari.
“Infoday Horizonte 2020” jardunaldia Innobasque Berrikuntzaren Euskal Agentziak Bizkaiko Zientzia eta Teknologia Parkean duen egoitzan egingo da, eta SPRI Taldearekin eta BEAZekin batera, BIOEFek, Elikak, EVEk eta CDTIk ere parte jartuko dute.
2014az geroztik, Euskadik Europako Batzordeak emandako 562 milioi euroko finantzaketa lortu du Horizon 2020 programaren bitartez, merkatuan egiazko inpaktua izan duten berrikuntza eta ikerketa arloetako 941 proiektu gauzatzeko. Ia mila proiektu horietan, 250 enpresak parte hartu dute, 184 ETE tarteko, eta horietako 54 disruptibotzat jo ditu Europako Batzordeak maila globaleko merkatu berriak sortzeko moduko proposamenak egin dituzten heinean. Enpresa txiki eta ertain hauek fabrikazio aurreratuan, energian eta IKTetan dihardute, nagusiki.
Zientzia, Teknologia eta Berrikuntzaren Euskal Sarearen eragileek Europako ikerketa eremuan duten parte-hartzeari dagokionez, BRTA Basque Research and Technology Alliance partzuergoaren sorrera faktore erabakigarria da parte-hartze hori bultzatzeko. Partzuergoko eragileei Euskadik lortutako guztizko finantzaketaren % 43ko kuota dagokie, eta lankidetzan jardun dute I+G+b arloko nazioarteko zentro garrantzitsu ugarirekin.
Europako Batzordeak azken 5 urteotan finantzatu dituen euskal proiektuen % 72 Euskadiren RIS3ko lehentasunekin lotuta zegoen.
Horizon 2020 programan izandako parte-hartzearen arrakasta tasa, hau da, finantzaketa jaso duten proiektuen kopurua eskaria aurkeztu duten proiektuen kopuruarekin erkatuta, % 12koa da Europan eta % 15ekoa Euskadiren kasuan. Honek Horizon 2020 programaren eskakizun maila altuaren neurria ematen du.
Lotutako albisteak
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du