Euskal industriaren eraldaketa-eredua, protagonista “Conama 2021” Ingurumenaren Kongresu Nazionalean
Ekonomi, gizarte eta ingurumen arloetan balioa sortzeko euskal industriaren eraldaketa-eredua protagonista izan da gaur (ekainak 1) Madrilen egin den “Conama 2021” Ingurumenaren Kongresu Nazionalean, non SPRI Taldeak ezagutzera eman baitu 2030erako Zientzia, Teknologia eta Berrikuntza Plan berriaren barruan kokatutako Industria Adimendunaren Estrategia.
Hala, Cristina Oyónek (SPRI Taldeko Teknologia, Berrikuntza eta Jasangarritasuneko zuzendaria) eta ACLIMAk (Euskadiko Ekoindustria eta Ingurumen Zerbitzu eta Produktuen klusterra) “Industria zirkular eta digital berri baterantz” izeneko jardunaldian parte hartu dute CONAMA 2021 kongresuaren barruan.
Cristina Oyonek azaldu duenez, “industria adimenduneko estrategiaren helburua da berrikuntzaren eta fabrikazioko teknologia jasangarri eta digitalen abantailak aprobetxatzea, eta negozio-ereduak eta enpresen estrategia eta antolakuntza eraldatzea, gehiago bideratu daitezen euren bezeroengana”.
Euskal industriak, Euskadiko garapen ekonomiko eta sozialaren eragileak, ongi jakin du iraganeko aldaketa teknologikoetara egokitzen, eta gaur egun hobeto prestatuta dago trantsisio digital eta jasangarriaren erronkei aurre egiteko. Basque Industry 4.0 ekimenaren eskutik, euskal enpresak aurrera egin du bere prozesuak automatizatu eta hobetzeko bidean, eta dagoeneko txertatu ditu konponbide malguak eta robotizazioko, fabrikazio gehigarriko edo makina eta ekipoen arteko konektagarritasunarekin lotutako teknologiak.
“Halere –gaineratu du Oyonek- oraindik badaude eraldaketa digitalarekin eta baliabide material eta energetikoen erabilpen eraginkorrarekin lotutako erronka berriak. Ikerketa eta digitalizazioa tresna bihurtu dira euskal industriari balio erantsi handiagoa emango dioten eta bere lehiakortasuna hobetuko duten produktu eta konponbide berriak garatzeko”.
Euskadiko Industria Adimendunaren estrategiak erreferentziatzat hartzen du Europako Itun Berdea, eta baita ere Europako industria-estrategia berria, krisi sanitarioaren ondoren berrikusi dena eta Europako Batzordeak berriki argitaratu duena. Berrikusitako estrategia horrek funtsezko hainbat alderdi planteatzen ditu, esaterako, merkatu bakarra sendotzea, autonomia estrategiko irekia izatea eta trantsizio berde eta digitala azkartzea. Eusko Jaurlaritza aholku ematen ari zaio Batzordeari alderdi horietan aurrera egiten laguntzeko, hala, joan den otsailean Foro Industrial bat sortu zen datozen 4 urteetarako, eta Cristina Oyón da foro horretako kideetako bat.
Lotutako albisteak
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.
Imanol Pradales Lehendakariak etorkizuneko abiazioa bultzatuko duen ITP Aero zentro berria inauguratu du
Imanol Pradales Lehendakariak eta Pedro Sánchez presidenteak ITP Aeroren ADMIRE zentroa inauguratu dute gaur goizean Zamudion, 24 milioi euroko inbertsioarekin eta 150 enplegu kualifikatu baino gehiagorekin. Zentro horrek berrikuntza eta jasangarritasuna sustatuko ditu hegazkingintzan Euskadin
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Talleres Altube, doitasuna nortasunean daraman Gipuzkoako mekanizazio-enpresa
Bergarako konpainiak SPRI Taldearen zibersegurtasun-programako laguntza bat jaso du, eta negozioa % 50 handitzea espero du 2027rako