Euskal teknologia olatu-igerilekuan egingo den Munduko Surf Ligako lehen txapelketa ofizialean
Wavegarden enpresa gipuzkoarraren olatuak sortzeko teknologia izango da Munduko Surf Ligako (WSL) txapelketa ofizial bat hartzen lehena. Txapelketa hori datorren abenduaren 10ean egingo da, Melbourneko (Australia) URBNSURF olatu-parkean. 2020an irekia, Australiako lehen surf parkea da, non Gipuzkoako enpresak 160 metroko urmaela artifizial bat eraiki zuen Wavegarden Cove teknologiarekin.
Orain, urmaelak Munduko Surf Ligako QS 1000 bat (kualifikazio serieak) ospatuko du, eta horrek, enpresatik adierazi dutenez, “surf-lehiaketen munduan paradigma aldaketa dakar. Duela urte batzuk pentsaezina zen zerbait da”. Munduko surf zirkuituaren parte inoiz izan ez bada ere, URBNSURFek kirol honen inguruko ekitaldiak hartzen ditu urte osoan zehar, Rip Curleko final nazionalak kasu.
Eta ez bakarrik Melbourneko parkeak. “2015ean, Red Bull Unleashed-en planeta osoko surflari onenetako batzuk lehiatu ziren Surf Snowdonian (Gales), zeinak gure teknologia duen; 2022ko azaroaren hasieran, Alaïa Open Winter Cup nazioarteko txapelketaren bigarren edizioa egin zen Suitzako Alpeetako Wavegardenen; Wave Parkek, Hego Koreako Wavegardenek, bere “Surf Liga” sortu du; The Wave Bristol, Ingalaterran, Surf Egokituko Open Ingelesaren egoitza da; eta Praia da Gramak, Brasilen, Rip Curl Grom Search final nazionala hartzen du urtero”, Gipuzkoako enpresatik azpimarratzen dutenez.
Lehiaketa berrasmatzeko teknologia
Wavegarden bezalako teknologiek irauli egiten dute lehiaketaren mundua, izan ere, aldatu egiten dituzte lehiaketen gaur arteko baldintzak, eta, enpresaren arabera, “agertoki berriak eskaintzen dizkiete lehiakideei, ikusleei eta baita babesleei ere. Itxaronaldi luzeak saihesten dira eta bertan behera uzteko arriskua ezabatzen da, argi eta garbi zehaztutako funtzionamendu-ordutegiaren aukera ahalbidetuz. Horrek, lehiakideei eta ikusleei ez ezik, babesleei ere mesede egiten die, telebista-transmisioak aldez aurretik antolatzeko aukera errazten baitu”.
Era berean, “olatuen sendotasunak itsasoko txapelketetan hainbeste eragiten duen zorte faktorea ezabatzen” duela gaineratu dute, “horrela, lehiakide guztiek baldintza eta aukera berdinak izango dituzte”. Gaur egun, olatuen menua “merkatu guztiko anitzena da”, eta 20aukera baino gehiago ditu maila guztietarako. “Etengabe eboluzionatzen ari den softwarea da, eta sor daitezkeen olatuen barietatea amaigabea da”, amaitu dute.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Enterprise Europe Network-ek aholkularitza eskaintzen die euskal enpresei produktu eta zerbitzu berritzaileen garapen teknologikorako eta nazioarteko komertzializaziorako.
Enterprise Europe Network (EEN) sektore publiko tresta perfektu gisa finkatzen ari da, EAEko enpresek beren I+G+b eta, oro har, negozioa nazioartekotzeko egiten dituzten ahaleginak osatzeko. Ezagutza, teknologia eta berrikuntza transferitzeko aholkularitza- eta laguntza- zerbitzuaren bidez, gero eta ETE gehiago ari dira ikusten nola irekitzen diren Europako Sare honek eskaintzen dituen...
ULMAk soluzio eskuragarriak diseinatzen ditu, automatizazioaren bidez intralogistika optimizatzeko
Duela ia 40 urtetik hona, Gipuzkoako enpresak biltegiak eta barne-prozesu logistikoak optimizatzen ditu modu automatizatuan. Urtero 90 milioi euro inguru fakturatzen ditu, 400 langileko plantillarekin.
Orkestraren iritziz, Euskal Autonomia Erkidegoak lehiakortasuneko eta ongizateko oinarri sendoak ditu
Lehiakortasunari buruzko 2022ko Txostenaren arabera, azken hilabeteetako egoera gorabeheratsua izan bada ere, Euskal Autonomia Erkidegoak hobera egin du zenbait dimentsiotan, esate baterako, ikaskuntzan, ingurumenean edo nazioartekotzean
ekinBarri: Pertsonak eta berrikuntza erdigunean, Bizkaiko enpresen eraldaketa lortzeko
Berrogeita hamar enpresak aplikatu dute ekinBarri metodoa; 80 ekipo eta 600 pertsona baino gehiagok parte hartzen dute liderren Komunitate Aktiboan
BeuginGarayk korrosioaren aurkako estalduren esparruan berrikuntza garatzen ari da sektore gehiagotara iristeko helburuarekin
Bizkaiko enpresak material berri bat garatu du haize-industriarako, eta Europako hainbat proiektutan parte hartzen du soluzio berritzaileak garatzeko.