Eusko Jaurlaritzak Basque Green Deal aurkeztu du, Bidezko Garapen Jasangarriaren Ereduan aurrera egiteko ekimena
Europako Itun Berdea edo European Green Deal, Europar Batasunak 2019ko abenduan proposatu zuena, EBko estatu kideei krisialditik irten daitezen sustatzeko eta etorkizun jasangarriagoa lortzeko mekanismo nagusietako bat bezala zehazten da. Hazkuntza-estrategia bat da; aukera emango du Europar Batasunak 2050ean neutraltasun klimatikoa lortzeko.
Testuinguru horretan, Eusko Jaurlaritzak Euskadiri itun horren espiritua helarazi nahi dio, Ekonomiaren Garapen, Jasangarritasun eta Ingurumen Sailaren eskutik, Basque Green Deal delakoaren bidez. Euskadiko eragile nagusiek ekonomia- eta ingurumen-arloko ibilbide-orri horren ardatz nagusiei helduko diete, hala nola:
- Anbizio klimatikoa; emisioak murriztuz gauzatuko da proposamena.
- Energia garbia, segurua eta eskuragarria; ezinbesteko faktorea ekonomia deskarbonizazeko.
- Ekonomia zirkularra; horretarako, hondakinen balioa nabarmenduko da baliabide-iturri gisa.
- Eraginkortasun energetikoa eta eraikuntza jasangarria; enplegua sortzeko eragilea.
- Mugikortasun jasangarria, gizartea mugitzeko modua eraldatuz
- Baserritik mahaira; jasangarritasuna elikagai-katearen ardatz egituratzaile gisa
- Kutsadurarik eza, ingurune osasungarria lortzeko
2021 Basque Green Deal delakoak zabalkundea eta eztabaida uztartuko ditu, ekonomia-, ingurumen- eta gizarte-arloko erronka berri hori Euskadiko herritar guztiei hurbiltzeko.
Aurkezpenerako egitaraua:
10:00. Ongi etorria eta testuingurua.
Arantxa Tapia, Eusko Jaurlaritzako Ekonomiaren Garapen, Jasangarritasun eta Ingurumeneko sailburua.
10:10. Green Deal-Comisión Europea DG Clima. Brusela.
Clara De la Torre, DG Clima-ko zuzendariondoko orokorra, Europako Green Deal -en aurkezpena
10:25. Basque Green Deal ekimena
Arantxa Tapia sailburuak Euskadik Green Deal-ekin duen konpromisoa eta BGDaren garapenerako Euskadiren jarduketa-ildoak azalduko ditu.
10:40. Euskadiko gizarteak klima-aldaketari eta trantsizio energetikoari buruz duen iritzia.
Euskadiko gizarteak klima-aldaketaren eta trantsizio energetikoaren inguruan dituen pertzepzioari eta jarrerei buruzko azterlanaren aurkezpena eta ondorioak.
Iñigo Ansola, Energiaren Euskal Erakundearen zuzendari nagusia
Alex Boto, IHOBE-Ingurumen Kudeaketako Sozietate Publikoaren zuzendari nagusia.
10:50. Itxiera
Iñigo Urkullu Renteria, Lehendakaria
OHARRA: Ekitaldia amaitu ondoren, ONLINE topaketa egingo da komunikabideekin.
Lotutako albisteak
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.
Hazinnovaren eskutik Estatu Batuetan haztea du helburu Rob-Jor enpresak
Manikurako eta pedikurako produktuak fabrikatzen dituen enpresa arabarra industria mota horretako fabrikatzaile europar bakarrenetakoa da, eta berrikuntzaren eta pertsonalizazioaren alde egiten du Asiako lehiakortasunaren aurka borrokatzeko.
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.