Eusko Jaurlaritzak Europako Batzordeko Foro Industrialaren bigarren bileran parte hartu du
Foro Industrialak atzo eginiko bileran elkarrekin bildu ziren Europako Batzordeko presidenteorde Margrethe Vestager, Barne Merkatuko komisario Thierry Breton, EBko 27 estatu kideetako ordezkariak eta EBko exekutiboak aukeratutako industria-politikako 28 aditu europarrak. Batzarrean Foro Industrialaren 2021-2022 urteetarako lan-ildo nagusiak adostu zituzten: Europako 14 ekosistema industrialen analisi sistematikoa, ekosistema industrial bakoitzarentzako trantsizio-bideak garatzea, EBren menpekotasun estrategikoen analisia, eta mugaz gaindiko inbertsio-premiak nahiz ekosistemen arteko kolaborazio-aukerak identifikatzea. Era berean, Foro Industrialeko kideek lehen eskutik ezagutu zituzten1 turismoaren ekosistemako trantsizio-bideen eszenatoki desberdinak. SPRI Taldeko Teknologia, Berrikuntza eta Jasangarritasun zuzendari Cristina Oyónek ordezkatu zuen Eusko Jaurlaritza bilera horretan.
2020ko martxoaren 10ean, Europako Batzordeak bere estrategia industrialaren oinarriak ezarri zituen, helburutzat hartuz trantsizio bikoitza (ekologikoa eta digitala) bultzatzea, EBren lehiakortasun industriala sendotzea mundu mailan, eta Europako autonomia estrategiko irekia hobetzea. Estrategia industrial berria aurkeztu eta biharamunean, Osasunaren Munduko Erakundeak COVID-19aren pandemia deklaratu zuen.
Harrezkero, eta 2021eko maiatzaren 5era arte, Europako Batzordea lanean aritu da Estrategia Industrialaren bertsio berri bat garatzeko, hasieran finkatutako helburuak indartzen dituena eta lan-unitate gisa ekosistema industrialaren kontzeptua ezartzen duena. Hala, 14 ekosistema aukeratu dira, zeintzuek Europako jarduera industrialaren %80 biltzen baitute.
Estrategiaren eguneratze-aldi horretan, Europako Batzordeak aholkularitza-batzorde bat sortu du Estatu kideetako ordezkariekin, enpresa-elkarte desberdinetako ordezkariekin eta 14 ekosistema industrialetako solaskide sozialekin. SPRI Taldeko Teknologia, Berrikuntza eta Jasangarritasun zuzendari Cristina Oyónek Vanguard Initiative2 ekimenaren ordezkari bezala parte hartzen du foro horretan. Vanguard Initiative elkarteak Europako eskualde industrializatuenetako 39 biltzen ditu.
Foroa 2021eko otsailean sortu zenetik, SPRIk (Eusko Jaurlaritzak Europar Batasunean duen ordezkaritzak lagundurik) bere hondar aletxoa jarri du Europako estrategia industriala eguneratzeko; izan ere, eskualde mailako garapenaren osagaia txertatu dio, osagai oso garrantzitsua tresnak enpresa-sarearen errealitatera eramateko eta sare horren ezagutza Europako erabaki estrategikoetaraino eskalatzeko.
Atzo –ekainaren 29an— egindako bileran, Europako Batzordeak proposatu zuen lau lan-mahai sortzea Foro Industrialaren barruan:
– Europako 14 ekosistema industrialen analisi sistematikoa. Lantalde honek errendimenduaren adierazle garrantzitsuenak definitzen lagunduko du bilakaera ekonomikoa aztertzeko eta ekosistema bakoitzak lortu dituen aurrerapenak gainbegiratzeko (lehiakortasunean, trantsizio ekologiko eta digital bikoitzean, merkatu bakarreko integrazioan eta erresilientzia ekonomikoan lortu direnak).
– Ekosistema industrial bakoitzerako trantsizio-bideak garatzeko laguntza. Lantalde honek jarduera-eredu komun bat garatuko du datozen hilabeteetan, haren bidez ziurtatzeko ekosistema industrialak aurrerantz doazela eredu jasangarri, digital eta erresiliente baterantz, ekosistema bakoitzaren erronken arabera.
– EBren menpekotasun estrategikoen analisirako laguntza. Lantalde honek aztergai izango du atzerriko hornitzaileekiko menpekotasuna 137 produktu sentikorren kasuan, bai eta menpekotasun horrek ekosistema industrial jakin batzuetan duen inpaktua.
– Mugaz gaindiko eta ekosistemen arteko inbertsio-premien eta lankidetza-aukeren identifikazioa.
Oyonek adierazle garrantzitsuenei buruzko gomendio batzuk eman zituen bileran, eta proposatu zuen I+Gko inbertsio publiko nahiz pribatuko neurriak hartzea ekosistema bakoitzean, eta pertsonen jarduerekin erlazionatuta dauden eta genero bereizle diren adierazleak sartzea genero-berdintasunaren aldeko neurriak bultzatzeko ingurune industrialean. Orobat esan zuen Vanguard Initiative elkartearen asmoa dela lantalde guztietan parte hartzea, eta bere babesa eman zion Fabrikazio Aurreratuari buruzko lantalde bat sortzeko proposamenari, elementu horizontal eta komuna delako ekosistema industrial guztietan.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua