Eusko Jaurlaritzak Europako Batzordeko Foro Industrialaren hirugarren bileran parte hartu du
Europako Batzordeko Foro Industrialak bere hirugarren osoko bilkura egin du, egunean jartzeko Europako Estrategia Industrialaren 5 lan-esparruetan egin diren aurrerapenak.
Hitzordu horretara azaldu dira Barne Merkatuaz arduratzen den komisario Thierry Breton eta Batzordeko bere lantaldea, EBko 27 Estatu kideetako ordezkariak eta baita ere erkidegoko exekutiboak aukeratu dituen politika industrialeko 28 aditu europarrak, hainbat gai jorratzeko elkarren artean, hala nola zelan aurre egin trantsizio bikoitzari (jasangarria eta digitala) Europako ekosistema industrial desberdinetan, Europako produkzioak hainbat produktutan dituen menpekotasun estrategikoak eta balio-kateen disrupzioa.
Bestalde, Foroko kideek ezagutzera eman dute Europako 14 ekosistema industrialetako adierazleen jarraipenaren inguruan egin den lana, trantsizio energetiko, klimatiko eta digitalean aurrera egiteko definitu diren ibilbideak, eta eskualde arteko lankidetza.
Beste gai batzuk ere aztertu dira, esaterako, teknologiak faktore geopolitiko gisa daukan garrantzia, eta Europan abangoardiako azpiegitura teknologikoetan inbertitzeko dagoen beharra transferentzia teknologikoa ahalbidetzeko eta, bide horretatik, Europako industria mundu mailako lider bihurtzeko ekoizpen jasangarriaren arloan.
Bileran, Breton komisarioak azpimarratuta utzi du zein garrantzitsua den foro hau garapen industrial jasangarriak Europan planteatzen dituen erronkei modu kolektiboan erantzuteko. Cristina Oyón, SPRI Taldeko Teknologia, Berrikuntza eta Jasangarritasun zuzendaria izan da Eusko Jaurlaritzaren ordezkaria foroan.
Bestalde, foroan berrikusi egin da 2022ko otsailaren 8tik 10era egingo den “EU Industry Days” ekitaldirako Batzordeak prestatua duen egitarau-proposamena, bertan aurkeztuko baitira saio honetan ezagutarazi diren aurrerapenak. Ekitaldi hori formatu hibridoan egingo da seguruenik, Bruselan bilduko diren ikusle presentzialen kopurua 500 pertsonara mugatuko delako; ekitaldian arreta berezia emango zaio Europako Merkatu Bakarra sortu izanaren 30. urteurrenari, mugarri garrantzitsua inondik ere politika europarrarentzat, eta aukera ematen diena Europako enpresei 450 milioitik gora pertsonako merkatu “lokal” batean lan egiteko.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du