Eusko Jaurlaritzak Euskadiren mugikortasun arloko potentzialitatea erakutsiko du GoMobility azokan
Zabalik dago epea izena emateko azaroaren amaieran Irungo Ficoban egingo den azokan
Azaroan Eusko Jaurlaritzak GoMobility Azokan erakutsiko du nolako potentziala duen Euskadik mugikortasunaren eta mugikortasun elektrikoaren esparruetan. 200dik gora metro koadroko stand batekin parte hartuko du, zeinetan Euskadi-Basque Country markaren aterkipean egongo diren Energiaren Euskal Erakundea (EVE), Euskotren, ETS eta SPRI Taldeko BIND 4.0 azaleragailuan parte hartzen duten startupak.
GoMobility, Mugikortasun Jasangarriaren eta Energia-biltegiratzearen Industriako Europa Hegoaldeko lehenengo azoka, Irungo Ficoban egingo da azaroaren 27 eta 28an, eta bertan izango da Arantxa Tapia, Ekonomi Garapen eta Azpiegitura sailburua.
Azoka horretan sektoreko punta-puntako enpresek zuzenean aurkeztuko dute mugikortasun jasangarri eta energia-biltegiratze arloko produktu, zerbitzu eta soluzioen eskaintza, eta baita ere horiek martxan jartzeko osagai, teknologia eta azpiegiturak, zeintzuen bidez erraztuko baita etorkizuneko mugikortasuneranzko trantsizioa.
Egitarauan hainbat jarduera programatu dira, hala nola hauek: Exhibitor’s Corner, erakusleen soluzio eta proposamenak zehatz-mehatz ezagutzeko gunea; City Market Place, mugikortasun jasangarriaren inguruko proiektu eta erronkak partekatuko dituzten Europako hirien bilgunea; European Poster Area, Europar Batzordeak finantzatutako mugikortasun jasangarriko proiektuen gunea, edo kanpoaldean kokatuko den Test gunea, martxan dabiltzan ibilgailuak erakusteko.
Izen-ematea dohainik da eta zabalik dago sektoreko profesionalentzat kongresuaren webgunean.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa