Eusko Jaurlaritzak ziurtagiri baten bidez aitortuko ditu berrikuntzaren ekosisteman sartzen diren ETE eta mikroETEak
Euskal ETEek eta mikroETEek Eusko Jaurlaritzaren babesa dute euren negozio-prozesuetan berrikuntza abiarazi eta aplikatzeko, Innobideak eta Hazinnova laguntza-programei esker, zeintzuek 5,7 milioi euroko aurrekontua baitute aurten. Programa horiek zabalik daude dagoeneko, eta irailaren 23an eta abenduaren 2an itxiko dira, hurrenez hurren.
- urtean sortu zenetik hona, 8 urte hauetan, 2.700dik gora enpresak eta 9.000tik gora zuzendaritza-karguk parte hartu dute Innobideak ekimenaren modalitateren batean. Horien artean aipatzekoa da zuzeneko dirulaguntzak ematen dituena. Modalitate horren bidez Eusko Jaurlaritzak 19,8 milioi euro inbertitu ditu 869 enpresatan, eta enpresa horiek 41,8 milioi euroko inbertsio pribatua sortu dute. Datu ekonomikoaz gain, aipatzekoak dira baita ere zenbait emaitza ukiezin, esaterako, kostu murrizketak, hazkundeak fakturazioan edo langileen gaikuntzan, eta inguruko beste konpainia batzuetan sortu den “demostrazio efektua” ere bai.
Bestalde, Hazinnova programa 2019an sortu zen eta aurtengo edizioan (2020an ez zen argitaratu pandemiagatik) 395 berrikuntza-proiektu berri (164 Bizkaian, 155 Gipuzkoan eta 76 Araban) gauzatu dira. Irailetik aurrera Eusko Jaurlaritzak ziurtapena emango die proiektu horiei, berrikuntza-prozesuan sartutako ETE eta mikroETE guztiak akreditatuta egon daitezen.
Asmoa da Eusko Jaurlaritzako, SPRI Taldeko eta Innobasque-ko ordezkariak eskualde bakoitzera hurbiltzea ziurtagiri horiek aurrez aurre entregatzeko. Prozesu horretan Eragile Dinamizatzaileen Sareko hainbat antolakundek parte hartzen dute, hala nola tokiko garapen agentziek, merkataritza ganberek, enpresa-elkarteek eta kluster elkarte dinamizatzaileek.
Innobideak
Hala, batetik, Ekonomi Garapen, Jasangarritasun eta Ingurumen Sailak Innobideak ekimenaren hiru laguntza-ildoak (Lehiabide, Kudeabide eta Pertsonak, 3,3 milioi euroko aurrekontua dutenak) bultzatzen ditu SPRI Taldearen eskutik.
Beren helburua da berrikuntzara bideratutako proiektuak bultzatzea, betiere egungo testuinguru ekonomikoaren erronkei aurre egiten badiete eta ETEen lehiakortasuna hobetzen badute berrikuntza hori aplikatuz kudeaketan, pertsonen parte-hartzean, negozio-ereduen egokitzapenean eta, hala badagokio, enpresaren dimentsioa sendotzeko prozesuan. Aurtengo deialdian nabarmendu behar da Lehiabidek ikerketa eta berrikuntzako programen proposamenak formulatzen laguntzeko ildo berri bat izango duela, Europako I+G+B-ko euskal estrategia berriarekin bat datorrena.
Ildo hori espreski zuzenduta dago arlo hauetako enpresei: informazio-gizartea eta komunikazioak (EIKT), logistika (garraioak izan ezik) eta diseinu industrialaren, ikus-entzunezkoen, bideojokoen eta modaren sektoreetako sormen-industriak. Innobideak programaren barruan, Lehiabide eta Pertsonak ildoetan parte har dezakete gutxienez 10 lanpostuko batez besteko plantilla duten ETEek eta Kudeabide ildoan, berriz, gutxienez 50 lanpostu dituztenek.
Innobideak programa berrikuntzan esperientzia duten enpresei zuzentzen zaie. Programa honek tamaina esanguratsuko proiektuak (12 hilabetera arteko jarduera-epea dutenak eta antolakundean inpaktua izan dezaketenak) babesten ditu, % 60ko finantzaketa ematen du dirulaguntza bidez eta enpresak berak aukeratzen du zein aholkularitzak aholkatuko duen berrikuntza-prozesuan.
Innobideak Lehiabide ildoak produktu, zerbitzu edo/eta merkatuko dibertsifikazio handiagoa lortzera bideratutako proiektuak babesten ditu, enpresen balio-proposamenak indartzeko.
Innobideak Kudeabide ildoak Kudeaketa Aurreratuko Ereduen ezarpena bultzatzen du enpresetan. Itzuli beharrik gabeko dirulaguntzak ematen ditu euskal enpresek behar dituzten ezagutzak eta metodoak txerta ditzaten euren gaitasunak eta baliabideak ordenatzeko, arrazionalizatzeko, lehenesteko eta, ondorioz, optimizatzeko, amaierako helburua enpresaren eraginkortasuna hobetzea izanik. Ildo honen irismena hasierako kontrastetik eta Proiektu Pilotuak definitzetik hasi eta Sendotze proiektuak ezartzeraino doa.
Innobideak Pertsonak ildoak indartu egiten du langileek enpresan duten parte-hartzea. Itzuli beharrik gabeko dirulaguntzak ematen dizkie euskal enpresei, aurrera egin dezaten pertsonen kudeaketarako eta enpresako kudeaketaren edo jabetzaren ondorengotza planifikatzeko eredu berrietarantz. Helburua da aurrera egitea gardentasun, konfiantza, ekitate, egonkortasun eta barneko lankidetza handiagoan oinarritutako enpresa-ereduetarantz.
Hazinnova
Beste alde batetik, kasu honetan ere SPRI Taldearen eskutik eta Innobasque-ren lankidetzarekin, Eusko Jaurlaritzak Hazinnova programa argitaratu du 2,4 milioi euroko aurrekontuarekin. Programa honek berrikuntza ez teknologikoaren arloko aholkularitza espezializatua eskaintzen du produktuaren eta negozio-prozesuaren berrikuntzan (fabrikazioa, logistika, merkaturatzea eta administrazioa eta finantzak) oinarritutako mikroproiektuak dituzten ETEentzat.
Hazinnova bereziki zuzentzen zaie berrikuntzan hasten ari diren enpresei; dirulaguntza jasotzen duten proiektuak puntualak dira (50 orduko aholkularitza), denboran mugatuak (3 hilabete) eta euren jarduera-eremuan inpaktu handia dutenak. Hala, %100 finantzatzen da eta dirulaguntzaren xedea da lizitazio publikoa gainditu duten aholkularitzen artetik aukeratutako aholkulariaren gastua ordaintzea.
Hazinnova doako aholkularitza eta laguntza zerbitzu bat da, lana antolatzeko modu berriak edo enpresa bakoitzaren produktu eta zerbitzuak merkaturatzeko metodo berriak inplementatzea helburu duena.
Hazinnovak aholkularitza ematen du helburu hauek dituzten berrikuntzako mikroproiektuentzat:
- enpresaren kudeaketa ekonomiko-finantzarioa eta estrategikoa hobetzea eta haren errentagarritasuna kontrolatzea.
- enpresaren produkzio-prozesuak hobetzea eta bere produktibitatea, kalitatea, jasangarritasuna edo segurtasuna handitzea.
- pertsonen kudeaketa hobetzea eta euren konpromisoa eta motibazioa handitzea.
- bezeroen ezagutza, atzemate-prozesua, arreta edo leialtzea hobetzea eta merkatu-kuota handitzea.
- hornikuntza- edo banaketa-katea hobetzea eta gastuak eta entrega-epeak murriztea edo bezeroei ematen zaien zerbitzua hobetzea.
- prozesu administratiboak birdiseinatzea eta enpresaren eraginkortasuna hobetzea.
- produktuak/zerbitzuak (berriak edo lehendik bazeudenak) merkatu berrietara (Estatukoak, nazioartekoak edo sektore berriak) egokitzea edo enpresaren marketina egokitzea eta merkatu geografiko edo bezero-segmentu berrietara sartzea.
- produktuaren arloko konponbideak identifikatu eta aplikatzea negozio-bolumena handitu ahal izateko.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza