Eusko Jaurlaritzari saria eman diote kluster-politiken efizientziaren ondorioz
Estíbaliz Hernaez Teknologia, Berrikuntza eta Lehiakortasuneko sailburuordeak jaso du saria Madrilen
Saria euskal klusterrekin partekatu du eta adierazi du klusterrak “agente aktiboak, inplikatuak eta eragileak direla euskal ekonomiaren adimen estrategikorako eta lehiakorrerako”
Eusko Jaurlaritzak kluster-politiken arloko administrazio eraginkorrenaren saria jaso du Estatuko Klusterren Elkartearen eskutik. Estíbaliz Hernaez Teknologia, Berrikuntza eta Lehiakortasuneko sailburuordeak jaso du saria eta euskal klusterrekin partekatu du, euskal ekonomiaren adimen estrategikorako eta lehiakorrerako agente aktiboak, inplikatuak eta eragileak diren heinean.
Saria banatzeko egintza Madrilen izan da, sektoreko elkarteen urteko biltzarraren testuinguruan. Aurten biltzarra klusterren arteko lankidetza-berrikuntzan oinarritu da, eta euskal kluster ugarik hartu du parte.
Estíbaliz Hernaez sailburuordeak jaso du saria eta Euskadiko klusterrek egindako ibilbidea azaldu du. Argitu du klusterren estrategiari 90eko hamarkadaren hasieran eman zitzaiola hasiera, XX. mendearen amaierako krisialdi ekonomikoan hautemandako premia eta aukera gisa.
Ia hogeita hamar urte geroago, euskal klusterrek bidea egin dute eta, 2014. urteaz geroztik, beste ikuspegi batez ari dira lanean, Herrialdearen osotasunaren lehiakortasun-irizpideekin lerrokatuta —Euskadi 2020 Zientzia, Teknologia eta Berrikuntzako Planean eta 2020ko Industria Planean, besteak beste, jasotzen dira lehiakortasun-irizpide horiek—.
Estíbaliz Hernaez sailburuak klusterren osotasunari zorionak eman dizkio, RIS 3 Espezializazio Adimentsuko Estrategian izan duten inplikazioagatik, eta eskertu die sektoreen arteko lankidetza-proiektuak partekatzeko egiten ari diren ahalegina; izatez, ahalegin horrek eragin du, hein handi batean bederen, sari hori jasotzea. Gehitu du klusterrak “agente aktiboak, inplikatuak eta eragileak direla euskal ekonomiaren adimen estrategikorako eta lehiakorrerako”.
Autonomia-erkidego guztietako sektoreko elkarteetako ordezkarien aurrean eta Industria Ministerioko ordezkarien aurrean, Hernaezek aditzera eman duenez, “industria izan da Eusko Jaurlaritzaren “obsesioetako” bat eta hala izaten jarraituko du, soilik teknologikoki punta-puntakoa den industria modernoaren eta internazionalizatuaren bidez erantzun baitakieke arrakastaz Herrialdearen erronkei”.
Erronka horien artean daude “garapen jasangarria sustatzea, emisioak murriztea —behar bezala planifikatutako energia-trantsizioaren bidez— eta berrikuntzako eta digitalizazioko mailetan aurrera egitea, horrek guztiak ekonomiaren garapen jasangarriagoan, gizarte-kohesio handiagoan eta herritarren bizi-kalitate handiagoan lagun dezan”.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
ACLIMA bere 30. urteurrena ospatzen du industria garbiago baterako lankidetza publiko-pribatuaren balioa azpimarratuz
Klusterra 1995ean sortu zen, Eusko Jaurlaritzaren laguntzarekin, Ihobe eta SPRI sozietate publikoen bitartez
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
AICek automobilgintzako masterraren zazpigarren edizioa atera du
Sektorearen etorkizuneko erronkei aurre egiteko ikasle onenak lortu nahi ditu
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da