Ezagutu BDIHren aktiboak: Prototipo-laborategia
Teknikerren prototipo-laborategia osasun-produktuen diseinu integralera zuzenduta dago, gailu medikoei buruzko araudi espezifikoaren arabera (ISO 13485). Tresna digitalen eta prototipatze azkarreko sistemen bidez garapen kostuak minimizatzen dituzte esperimentazio faseei ekin aurretik, honela simulazioaren emaitzak kontrastatu eta alternatibarik onenak hauta ditzakete.
Teknikerrek, Mediku-gailuak eta Osasun Digitaleko guneko aktibo honen bitartez, enpresei produktu edo zerbitzu berriak garatzeko eta lankidetzan garatzeko aholkularitza estrategikoa eta orientazioa eskaintzen die. Lehenengo harremana eta gero, tartean diren teknologien azken berrikuntzen azterketa xehea egiten da, jabetza intelektualaren alderdiak barne. Balorazio horretatik ideiaren eta produktuaren arteko kontrastea egiten da, horrela, bideragarritasun aukerak aztertuz.
Aktibo honen bitartez, enpresek kontzeptu-probak eskatu ditzakete baita ere, teknologia giltzarrien funtzionaltasuna baliozkotzeko produktu minimoki bideragarriak egitea errazten diena eta prototipoak egitea erabilera-ingurune garrantzitsuetan baliozkotzeko. Horrela, posible da amaierako diseinua lortzeko behar diren baliabideak minimizatzea. Diseinua baliozkotze-etapa bat baino gehiagoren mende dagoenez aldaketa gutxiago jasango ditu, eta arriskuen azterketa bat egin ahal izango da prozesu osoan zehar.
Erabilera kasua
Atten Bio eta Insulcloud euskal enpresek BDIH Konexio Programaren bitartez TEKNIKERren prototipo-laborategia erabili dute garapen berriak abian jartzeko.
Atten Bio sortu berriko enpresa bat da eta Donostiako Miramon Parke Teknologikoan kokatutako dago. Bere jarduera nanoelektronikan eta biokimikan oinarritutako biosentsore aurreratuen garapenean zentratzen da. Atten Biok prototipo-laborategi hau erabili du kapsulatze-prototipo bat diseinatzeko kontzeptu-proba gisa eta maila komertzialago batera eramateko mikrofluidikaren bidez.
Teknikerren prototipo biomedikoak garatzen esperientzia dutenez, aholkularitza eman zieten, beren proposamen teknologikoa ebaluatu zuten, eta prototipoa garatzen lagundu zieten.
Insulcloud paziente diabetikoen bizi-kalitatea eta bizi-itxaropena hobetzeko helburuarekin 2014an sortutako enpresa da. Intsulina-lumari ainguratzen zaion gailu adimendun baten bidez, pazienteari injekzioekin lotutako funtsezko informazioa ematen zaio: azken dosiaren ordua eta kopurua, tenperatura edo injekzio-denbora, besteak beste.
Insulcloud TEKNIKERrekin harremanetan jarri zen hasierako gailu adimenduna 2.0 bertsiora aldatzeako, ainguratze eta mekanika sistema hobearekin, eta miniaturizazioak sortzen dituen arazoak konpontzeko, ekoizpen industrial batera iritsi ahal izateko.
Erabilera kasuen bideoetan Atten Biok e Insulcloud-ek BDIH Konexio Programaren bitartez gauzatu dituzten proiektuei buruzko xehetasun gehiago jaso ditzakezu.
Lotutako albisteak
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.
Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da