Ezagutu BDIHren aktiboak: Viulib, VICOMTECHen software-liburutegia irudiak denbora errealean aztertzeko
Viulib liburutegiak ikusmen artifizialarekin zerikusia duten teknika eta algoritmo ugari biltzen ditu. Horiek guztiak batera, merkatuak eskatzen dituen konponbideei ekiteko tresna eraginkor eta malgu batean bihurtzen dira.
Vicomtech-ek, liburutegi honen bidez, estereo fotometrikoko tekniketan oinarrituta, osagaien gainazal-ikuskapenerako zerbitzu bat eskaintzen du, bai lineako ikuskapen-mekanismoetarako, bai robotetan ontziratutakoetarako. Horretarako, kamera edo sistema estereo fotometrikoa robot batean integratzen da, eta, desplazamenduaren bidez, osagaia bere osotasunean edo eremu jakin batzuetan bakarrik ikuska daiteke.
Viulib liburutegiak ere baditu goi-mailako gaitasunak aurpegi identifikaziorako edo keinuak antzemateko. Horri esker, Vicomtech-ek elkarlaneko robotikaren eskemetara bideratutako zerbitzuak eskaintzen ditu, langileen eta roboten arteko interakzio- eta komunikazio-irtenbide malguak eskatzen dituen sektorea. Gainera, liburutegiak ikusmen artifizialeko teknikak erabiliz pertsonak etengabe monitorizatzeko eskaintzen dituen gaitasun handiei esker, segurtasun-zerbitzu osagarriak eskaintzen dira langileen eta roboten arteko elkarreragin oso estua dagoen lekuetan, eta horrek istripuak saihestu ditzake.
Erabilera-kasuak
Cyber Surgery enpresak software liburutegi hau erabili du bizkarrezurreko ebaketetarako laguntzaile robotiko bat garatzeko. Osagaien gainazal-kalitatearen ikuskapenarekin eta 2Dko ikusmen artifizialeko tekniken bidezko prozesuen kontrolarekin lotutako industria-premietara bideratutako liburutegi horren erabilerak, Microsoft-en HoloLens 2 direlakoek emandako teknologiarekin konbinatuta, ebaketak ahalik eta inbasiorik txikienarekin egiteko aukera eman dio Cyber Surgery-ri, horrela pazientearen errekuperazioa erraztuz eta ebaketa zehatzagoa burutuz.
BDIHko Robotika Malguaren nodoaren parte gisa, Vicomtechek ikusmen artifizialeko zenbait banku jarri ditu Cyber Surgeryren eskura, bai eta irudiak hartzeko eta argiztatzeko hainbat ekipo dituzten robotak ere. Hala, bere sistema garatzeko behar diren proba guztiak egin ahal izan ditu.
Cyber Surgeryko arduradunek bizkarrezur-ebaketarako laguntzaile robotikoa zertan datzan eta hura abian jartzeko BDIHren aktiboez nola baliatu diren azaltzen duen bideoa ikustera gonbidatzen zaitugu.
Era berean, Vicomtechek egindako aktibo horren erabilerarekin lotutako beste kasu arrakastatsu bat Grabit enpresarena da. Startup honek, ikusmen artifizialeko sistemaz gain, irudia denbora errealean aztertzeko software-liburutegia eta sare neuronal prototipikoak erabili ditu bere produktuetako baten hobekuntza egiteko.
Supermerkatuko balantza bat da, eta, BDIHk emandako teknologiari esker, produktuak detektatzeko eta neurketetan zehaztasun gaitasun handiagoa lortu ditu. Ez galdu Grabiten bideoa, non proiektuaren arduradunek kasu honetan egindako lana azaltzen duten.
Lotutako albisteak
Danobatek fabrikazioa irauli du doitasunezko robot berritzaile batekin
Euskal fabrikatzailea robotikaren sektorean sartu da diseinu disruptibo batekin: doitasun eta dinamika handia eskatzen duten eragiketetarako berariaz diseinatutako robot eredu berritzaile batekin.
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.
Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du