Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresa hau Lazkaon dago, eta haren beirazko mosaikoak bost kontinenteetako 100 herrialdetik gorako igerileku, hotel eta fatxadetan daude. Badira 36 urte baino gehiago José Ángel Muro Zabaleta konpainian aritzen dela, eta Ezarri Mosaicoseko kontseiluko presidentea da orain. Pixkanakako eta etengabeko hazkundea eragin dutenen artean dago, enpresa Ikaztegietan sortu zutenetik 1979an. Gaur egun, nazioarteko transakzioak made in Euskadi enpresa horren negozio-zifraren % 70 dira. Gainera, Josean Murok 2024ko Joxe Mari Korta saria jaso du berriki, hautagaitza ADEGIk bultzatuta.
1994an, 30 urte zenituela, enpresa baten gerente hasi zinen, eskuratu berriko Sarrin, hain zuzen ere. Hastapen horietako zer oroitzapen dituzu?
26 lagun ginen: bulegoan lau, haien artean gerentea, ordurako 64 urte zituena. Bihotzeko ebakuntza egina zioten eta nahiko jota zegoen. Horregatik, bere zatia saldu eta enpresatik irtetea erabaki zuen. Beste pertsona bat urte berean hil zen, tamalez, eta sartu ginen gainerako bazkideak, beste bostak, produkzio-lineakoak ziren. Deustuko Unibertsitateko enpresa-ikasketak eginda nituen nik eta, une horretan, enpresaren esportazioa neraman. Beraz, nolabaiteko ezagutza edo gaitasuna neukan, ustez, gerente-lana egiteko. Niri egokitu zitzaidan, eta atsegin eta gogo handiz ekin nion. Horrelaxe jardun genuen, bazkideen laguntzarekin batez ere, oso ondo aritzen baitziren produkzioan.
Nolakoa izan zen Kaliforniarako bidaia hori, konpainian izandako hasiera markatu zuena?
Enpresan sartu nintzenean, 1988an, harrituta gelditu nintzen, nolatan Ikaztegietan galduta zegoen enpresa batek, hain produktu berezia egiten zuenak, bidaiatzera bidali baininduen. Eta munduari bira eman nion. Kaliforniara joan nintzen bezero bat ikustera, eta hortik Australiaraino, Tahitin geldialdia eginda. Australian bi aste egon ginen, bezero on bat egin genuen, gurekin urte ugari egin zituena, eta une horretan bertan pare bat edukiontziko eskaera berretsi zigun. Gero Tailandiatik eta arabiar herrialdeetatik itzuli ginen, eta etxera bueltan. Garai horretan, 88an, 24 urterekin eta sartu berritan, zur eta lur gelditu nintzen bidaiagatik. Hala ere, argi gelditu zitzaidan zer aukera izan zitzakeen enpresak eta nolako gaitasuna izan zezakeen munduko edozein bazterretan saltzeko, nolabait esanda. Eta, pixkanaka, hori lortu dugu ia-ia.
Zergatik dira hain preziatuak Ezarriren mosaikoak, mundu osoan zeharreko hainbeste proiektutan erabiltzeko?
Gure mosaikoa beira birziklatutik abiatuta fabrikatzen da. Beira oso ona da prestazioei dagokienez, eta igerilekuen ontzietan baliatzen da. Kontua da beirak ez duela ura xurgatzen, eta igerilekuak garbitzeko erabili behar diren produktu kimikoetako batek ere ez dio eragiten. Eta, horrez gain, eskaintzen duen estetikak igerilekua nabarmentzen du. Hortaz, prestazio horiek edukita, produktuari kalitate ona ematea dator gero: eskuragarri eduki, bezeroei bizkor helarazi, artatu, arazorik ez eman eta, edozein behar dutela ere, erantzun. Arkitektoek oso gauza pertsonalizatuak garatu nahi izan dituzte, inprimatze digitaleko irudiekin eta bestelako berezitasunekin. Bezeroei erantzuteak, zerbitzua emateak eta gogobetetzeak aurrera egiteko aukera eman digu, eta gure nazioarteko presentzia areagotu ahal izan dugu herrialde askotan.
Zer toki du teknologiak Ezarri bezain tradizionala den enpresa batean?
Lehenik, buruan eduki behar dugu ezin garela inoiz geldirik egon, aurrerapausoak eman behar dira beti. Merkatua oso lehiakorra da, eta gelditzen dena atzean geratzen da, merkatuak abandonatu egiten zaitu. Urratsak egin behar dituzu, produktu berriak garatu, produktuari balio handiagoa ematen dioten aukerak bilatu… bezeroak harritu ahal izateko sarri.
Eta zer garrantzi du berrikuntzak?
Askotan esaten dugu espero ez zituzten produktuekin utzi ditugula bezeroak harrituta, eta gero ikusi dute merkatuak oso ondo onartzen dituela. Azken bezeroak prestazio horiek aintzat hartzen ditu, nahiz eta geure bezeroak, bitartekariak, horrelako eskaintzarik ez espero gugandik. Gakoa produktua garatzea da, asko ikertzea, I+G asko egitea eta bezeroei erantzunak ematea. Halaber, lehiakorrak izan behar dugu eta munduan zehar dauden gainerako lehiakideen aurretik joan. Lehiatu eta lehiatu egin behar duzu. Hori da enpresen egunerokoa.
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elena Urbizu: “Gure helburua Luzaroko funts propioak sendotzea da, Euskadiko enpresen garapena finantzatzen jarraitzeko”
Euskadin jarduten duen kredituko finantza-erakundeak akordio berri bat sinatu du Europako Banku Zentralarekin, eta Eusko Jaurlaritzarekin eta finantza-erakundeekin duen aliantza berritu du.
GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
Eduardo Lasa: “Mugikortasunaren eta logistikaren sektorea Euskadin sendo dago eta erronka berrietarako prest”
Euskadiko Mugikortasun eta Logistika Klusterrak pertsonen mugikortasunaren, merkantzia-logistikaren eta garraio adimenduneko teknologiekin (ITS) lotutako industrien sektoreko 122 enpresa eta eragile biltzen ditu, eta urtean 12.500 milioi euro fakturatzen ditu.
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Asier San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.
Aratubo: “IA funtsezko zeregina betetzen ari da gure eraginkortasuna eta berritzeko gaitasuna hobetzeko”
Enpresaren historia hazkunde azkar eta iraunkor batek markatu du. BAICeko bazkide da 2022tik, eta SPRI Taldeak sustatutako hainbat programatan parte hartzen du. Aitor López de Letona gerentearen arabera, "smart factory kontzeptua epe ertainerako lehentasunetako bat da".