Fecin, industriako eskuilagintzan espezializatuta 60 urte daramatzan Gipuzkoako ETEa
Fecin duela 60 urte baino gehiagotik industriako eskuilagintzan lan egiten duen Gipuzkoako ETEa da. Europa osoko sektoreko bost enpresetako bat da, eta horren arrazoia produktuaren konplexutasuna eta fabrikazioak eskatzen dituen ezagutza tekniko handiak dira. Enpresak Eusko Jaurlaritzaren zibersegurtasun-programaren laguntza jaso du. Programa horrek zibersegurtasuna sustatzen du euskal enpresetan, gai horri buruzko egitura ekonomikoa sortuz, SPRIk antolatuta.
Gipuzkoako Deba udalerrian sortu zen enpresa 1962an, eta familiako hirugarren belaunaldia ari da gaur egun lanean. Gaur egun kudeatzailea denaren, Jose Endeizaren, aitonak sortu zuen. Ordu hartan, 60ko hamarkadan, Mendaron galdategi bateko bazkidea zen. Baina enpresa hura saldu egin zuten “eta galdategiek Madrilen zuten ordezkariak aitonari proposamena egin zion eskuilen fabrika irekitzeko eta elkarrekin bazkide bihurtzeko”, azaldu dute Amaia Iparragirrek, Fecineko zuzendariak, eta Igor Lekuonak, zuzendari komertzialak.
Enpresa, 90eko hamarkadan, Itziarko industrialdera lekualdatu zen (bertan dago gaur egun), eta makina finkoentzako eskuila uhinduak fabrikatzen hasi zen. Pixkanaka, gama handitzen joan ziren, eta eskuzko fabrikaziotik automatikora igaro ziren.
Ondoren, nazioartekotzean murgildu eta, Eibarko hainbat enpresarekin batera, Toolex izeneko esportazio-taldea eratu zuen. “2005ean, % 15 esportatzen genuen, eta gaur egun % 40 da”. Kanpora egindako salmentak, batez ere, Hego Amerikara, Ekialde Ertainera eta Europara bideratzen dira.
Fecinek era guztietako alanbrezko industriarako eskuilak eskaintzen ditu: zirkularrak nahiz konikoak. Bere produktuak gauza askotarako erabiltzen dira: oxidoak garbitzeko, pinturarako, soldadurako zorroetarako, leuntzeko eta satinatzeko, adibidez. Beti izaten dira gainazalen tratamenduak.
“Hornikuntza industrialei eta burdindegiei saltzen diegu eta, gero, haiek amaierako erabiltzaileari banatzen dizkiete: automobilgintza, oil gasa, trengintza eta aeronautikaren sektorea izaten dira amaierako erabiltzaile horiek, besteak beste”.
Eskuilen aplikazioen artean, urpekoetan, plataforma eoliko flotatzaileetako gazitasunaren aurkako babeserako edo giltzak kopiatzeko makinetako soldadurak daude.
18 langile ditu eta urteko fakturazioa bi milioi euro baino gehiagokoa da.
SPRI Taldearen zibersegurtasun-programatik jasotako laguntza hodeiko zerbitzari bat erostera bideratu da, “enpresaren informazio sentsible guztian segurtasun maila handiagoa izateko eta, hala, edozein tokitatik bertara sarbidea izateko. Dagoeneko ezarrita dago”.
Etorkizuneko erronkei dagokienez, merkatu berriekin esportazioa handitzen jarraitzea da horietako bat, “batez ere Amerika kontinentean, eta Europan hedatzen jarraitzea”. Europa osoan, sektore horrek bost enpresa baino ez ditu. “Izan ere, makina konplexuak eta garestiak erabiltzen ditugu, eta fabrikaziorako ezagutza tekniko handiak eskatzen ditu. Zaila da produktua ezagutzea. Eta produktu horrek lan-arriskuak sortzen ditu eta kalitate-estandar oso altuak izan behar ditu”.
SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.