Gaikerrek nekazaritza-sektorean jasangarritasuna sustatzeko proiektu batean parte hartu du
Gaikerrek, Basque Research &Technology Alliance (BRTA) kideak, emandako datuen arabera, nekazaritza-sektorean plastikoen erabilera Europan plastikoen erabilera osoaren % 4 inguru da (1.500.000 tona inguru), eta birziklatze ko zailtasuna handia da. Horregatik, Teknologia Zentroak beharrezkotzat jotzen du material horiek modu jasangarriagoan erabiltzeko alternatibak ikertzea, eta horregatik parte hartzen dute Bioplast proiektuan.
Proiektu hau INTERREG POCTEFA europar programaren barruan dago, Espainia, Frantzia eta Andorraren arteko muga-lurraldearen garapen iraunkorra sustatzea helburu duena. Frantziako APESA, TBI, CATAR-CRITT zentro teknologikoekin eta Lleida eta Gironako unibertsitateekin batera, Gaikerrek parte hartzen du proiektu honetan, aipatutako eremuetan nekazaritzako hondakinei balioa emateko irtenbide bideragarri bat garatzeko xedea duena.
Proiektuaren bidez, nekazaritzan eta abeltzaintzan erabiltzen diren plastikoen inguruan ekonomia jasangarriko soluzio bat ezartzeko aukera aztertzen da. Soluzioan, nekazaritzako hondakinetatik abiatuta garatzen diren bioplastikoak erabiliko dira, nekazaritza-sektorean ohiko plastikoen ordezkoak.
“Nekazaritza-sektorea aukeratu dugu bide itxiko soluzioa garatzeko potentziala kontuan hartuta; izan ere, bioplastikoak sortzeko hondakinak nekazaritza-sektoretik datoz, sektore horretan erabiltzen dira eta sektore horrekin lotutako prozesuen bidez desagertzen dira” azaldu dute Gaikerreko arduradunek. Horrela, bioplastiko biodegradagarri bat erabiltzea aurreikusten da, bizi-zikloak jatorria, erabilera eta amaiera nekazaritza-sektorean baititu.
Bestalde, Gaikerrek proiektuan parte hartzen du, bioplastikoetarako formulazioak garatuz, 3D inprimaketaren bidez nekazaritzako aplikazioetarako bideragarritasuna aztertuz eta propietate mekanikoak ebaluatuz. Gainera, ingurumen- eta ekonomia-jasangarritasunaren azterlanaz arduratzen da, eta bertan ebaluatzen da proposatutako konponbideak ingurumenean, gizartean eta ekonomian izango duen eragina.
Gaikerrek material biodegradagarrien eta ekonomia zirkularraren ildoko proiektuak ditu, eta horiek beste lehen sektoreko esparru batera bideratuta daude, hala nola arrantzara. Sektore horretan, hain zuzen ere, azkenaldian ari dira garatzen bai Europa mailako erakartze-proiektuak, bai EAEko enpresentzako eremu pribatuko transferentzia-proiektuak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.