Gureak Industrial General Electric-en aerosorgailu berriak kableatuko ditu
Gureak Taldearen industria-adarrak, Gureak Industrialek, bere energiaren sektoreko dibertsifikazio-estrategia berriaren barruan ezarritako helburuetako bat lortu du. Desgaitasuna duten pertsonentzat lan-aukerak sortzen dituen euskal enpresa-taldea, mundu mailako energia-enpresa nagusietako baten hornitzaile bihurtu da, General Electric hain zuzen, haize-sorgailu berrien kableak egiteko.
Gureak Industrial bere proiektu-zorroa dibertsifikatzeko estrategia berri batean murgilduta dago. Urteak daramatza Vestas, MVOW, Nordex, SGRE edo Ingeteam bezalako enpresen hornitzaile bihurtu da. “Azken bi hamarkadetan, industria-arloan gure posizioa berretsi dugu, energia-sektoreko eragile nagusien konexio-elementuen eta kableatuen partner gisa; bi eremu nagusietan gaude, onshore eta offshore, gure bezeroek turbina eolikoen zati desberdinetan muntatzen dituzten kable-sistemak hornituz”, azaldu du Antxon Jaular Gureak Industrialen Energia sektoreko key account managerrak.
Estrategia horren ondorioz, hainbat aurrerapauso eman dira eta horrek General Electric-en premiekin “denboran bat egitea” ekarri du. Energia erraldoi honek, 80 errotako offshore plataforman aurrera egiten ari da, Frantziako Bretainian instalatzeko. “Itsasoan kokatzen diren turbinak dira, milaka etxetako urte osoko hornidura elektrikoa modu iraunkorrean sortzen dute”, adierazi du Energiako arduradunak.
Hori lortzeko, 260 metroko altuera duten egiturak eraikitzen dira, 107 metroko altuera arteko palak dituztenak. Gureak Industrial enpresak kable kitak hornituko ditu nacellerako -palak biratzen diren dorrearen goialdeko elementua-, dorrerako eta e-stacketarako -aerosorgailuen oinarriak-. Praktikan, “400 kable erreferentzia dira, seinale, aginte eta potentzia kableatuak kontutan hartuta”, Jaularrek zehaztu duenez.
Haliade 150-6MW izeneko proiektuak 3 edo 5 urteko iraupena du, eta euskal taldean 150 pertsona baino gehiagoren jarduerari eutsiko dio – gehienak desgaitasunekin –. Horrekin, Gureak Industrial enpresak “benetako balio erantsia eskaini nahi du, hornitzaile hutsaren kontzeptutik ihesi eginez”, azpimarratu du Jaularrek, “Mugarri garrantzitsua da guretzat, beste etorkizuneko bide berri bat irekitzen digulako beste bezero batekin, energia berriztagarrien artean etorkizun handia duen offshore motan, merkatuan potentzial handia duena”.
Gureak Industrialek hamar lantegi ditu Gipuzkoa osoan. Horietako bik, Tolosakoa eta Errenteriakoa, energiaren sektorearekin lan egiten dute -Energia sailak Gureak Industrialen fakturazioaren % 15 hartzen du-. Tolosakoak ehun lagun inguru ditu lanean. Errenterian 155k egiten dute lan.
Taldearen industria adarretik balioan jartzen dute horrelako proiektuak aurrera ateratzen direla “langileen eta teknikarien profesionaltasunagatik, proiektuan oso inplikatuta baitaudelako”. Gureak Taldeak 6.000 langile baino gehiago ditu, % 83 desgaitasunekin.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.