Gutxitu gastuak eta hobetu hornikuntza-katea Hazinnova programaren bitartez
Biltegietako eta produktuaren banaketako kudeaketa logistikoa prozesu konplexua da, eta prozesu horretan funtsezkoa da informazio xehe eta fidagarria izatea. Logistikako inefizientziek hainbat arazo dakartzate, batik bat gastuak alferrik handitzea, entregak atzeratzea eta zerbitzuaren kalitatea jaistea. Horregatik, enpresa lehiakorra izan dadin, ezinbestekoa da logistikaren eraginkortasuna hobetzea.
Hazinnova programak berrikuntzako mikroproiektuak ezartzen laguntzen die enpresei, arazo edo erronka zehatzak konpondu ditzaten. Zerbitzu hori enpresako 8 eremu desberdinetara zuzenduta dago, besteak beste, kudeaketara, merkaturatzera eta produktura. Helburu nagusia beti da lehiakortasuna hobetuko duten proiektuak bultzatzea.
Hornikuntza- edo banaketa-katea hobetzen duten tresna zehatzak
Logistikari dagokionez, Hazinnova programak berrikuntza txikiak bultzatzen laguntzen die enpresei, haien bidez gastuak eta entrega-epeak murrizteko edo zerbitzuaren kalitatea hobetzeko. Hona hemen, laguntza honen bitartez inplementatu daitezkeen hobekuntza batzuk:
Biltegiko kudeaketa optimizatzea.
Logistika-prozesuaren eraginkortasuna aztertzea.
Izakinen kudeaketa hobetzea.
Hornikuntza– edo banaketa-katea birdiseinatzea.
Ibilbide logistikoak optimizatzea.
Eskaera aurreikusteko metodologiak inplementatzea.
Bideragarritasun-azterlanak egitea konponbide teknologiko berriak aurkitzeko.
Logistikaren gastu energetikoa eta ingurumen-inpaktua murriztea.
Produktuen bilgarrien diseinua hobetzea.
Prozesu eraginkorragoak laguntza pertsonalizatuari esker
Hazinnova programatik igaro diren enpresek inpaktu positiboak lortu dituzte euren prozesuetan 3 hilabeteren buruan. Logistikaren arloan, hainbat mikroproiektu garatu dira: biltegia kudeatzeko aginte-koadro berrien diseinua, ibilbideen analisia defizitarioak direnak detektatzeko, eta abar.
Programa honen bidez, enpresa onuradunek euren premientzako konponbideak aurkitu ditzakete, negozioaren alderdi zehatzak hobetzen dituzten berrikuntza txikien bitartez.
Aholkularitza espezializatua eta emaitza ukigarriak denbora gutxian
Programa honek doako aholkularitza eta laguntza zerbitzu bat eskaintzen du berrikuntza ez teknologikoko mikroproiektuak garatzeko. Laguntza horri esker, euskal enpresek hobekuntzak bultzatu ditzakete kudeaketa, fabrikazio, merkaturatze eta produktu arloetan.
Horretarako, Hazinnovak 50 aholkularitza-ordu espezializatu eta hurbileko Hazinnova agente baten laguntza eskaintzen dizkie enpresa onuradunei. Hala, enpresak mikroproiektu bat garatu ahal izango du arazo jakin bati erantzuteko, eta emaitza ukigarriak eskuratuko ditu 3 hilabetean. Gainera, prozesu hau bereziki diseinatuta dago ez dadin izan karga administratibo gehigarri bat lantaldearentzat.
Laguntza hau 10 langile edo gehiago dituzten Euskadiko enpresei zuzentzen zaie eta sektore hauetakoak izan behar dute: industria sektorekoak, industriarekin lotutako zerbitzuetakoak, edo IKT, handizkako merkataritza, garraio, biltegiratze edo finantza eta aseguru sektoreetakoak.
Has zaitez hemendik!
Hazinnova programa interesatzen bazaizu eta bere abantailak aprobetxatu nahi badituzu, ez itxaron gehiago eta bete eskaera inprimakia SPRI Taldearen web orrian. Hortik aurrera, Hazinnova Agente bat esleituko dizugu prozesu osoan lagundu diezazun, eta aholkulari aditu bat ere bai, proiektua ezartzen laguntzeko.
Ezagutu itzazu programa honi esker hobekuntzak lortu dituzten beste enpresa batzuk
Gogoan izan, Hazinnova ez da:
Soilik plan bat edo azterlan bat prestatzeko, ziurtagiri bat eskuratu edo berritzeko edo konponbide teknologiko bat inplementatzeko laguntza bat. Ados? Baliabide hau bereziki sortu dugu zure negozioak bere onena eman dezan!
Zalantzaren bat? Jar zaitez harremanetan gure BEZEROEN ARRETA zerbitzuarekin: 900 92 93 93 | Hasi orain eta HAZI!!
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez