Hibernazio-etapa amaituta, Eusko Jaurlaritzak osasuna lehenesten jarraitzen du, segurtasun-neurriak zorroztuz
Jaurlaritzak gogorarazi du segurtasun-protokolo bat dagoela jarduera ekonomikoetarako, eta garraio publikoa beharra dagoenean soilik erabiltzeko gomendioa egin du
Segurtasun Saila garraio publikoaren erabiltzaileentzat, masakara banaketari buruzko xehetasunak prestatzen ari da
Martxoaren 29ko 10/2020 Errege Lege Dekretuan ezarritako industriaren hibernazio-etapa amaituta, bihar, apirilak 14, Euskadiko industria ez-funtsezkoaren eta eraikuntzaren jarduerari ekingo zaio berriro. Ildo horretan, Eusko Jaurlaritzak berretsi egiten du Segurtasun Protokoloa zorrotz betetzearen garrantzia enpresetan, eta dei egiten du jarduerara itzultzeak ez dezan ekarri erlaxaziorik dokumentuan jasotzen diren neurrien aplikazioan.
Gogoratu behar da Euskadiko enpresa-ehunak segurtasun-protokolo bat duela, indarrean dagoena, eta martxoaren erdialdean bidali zuela Ekonomiaren Garapen eta Azpiegitura Sailak, Osasun Sailak eta Lan eta Justizia sailari atxikitako Laneko Segurtasun eta Osasunerako Euskal Erakundeak (Osalan) egiaztatutako eta bermatutako neurriekin. Atzotik, gainera, jarduerara itzultzeko jarduera-gida bat dago, Lan eta Justizia Sailak emana, produkzio-jarduna berriz irekitzeko prozesuei laguntzeko.
Lehentasuna birusaren hedapena eragoztea da oraindik ere, eta, aldi berean, jarduerari berrekiten zaio; beraz, telelanaren edo urrutiko lanaren gomendioak mantentzen dira, baita lanpostura joan behar duten pertsona guztientzako babes- eta higiene-neurriak ere.
Landu eta bidali diren protokoloak bi dira: bata industriari zuzendutakoa, eta bestea Elikagai Katearen jardueretarako bereziki landutakoa (arrantza, nekazaritza, abeltzaintza, elikagaien industria, baita banaketa guneak ere). Biek argi eta garbi jasotzen dituzte jarraitu beharreko arauak eta gomendioak, eta aipatzekoa da bi kasuetan dauden dokumentuak aurreko bi asteetan funtzionatu duten eskakizun berarekin mantentzen direla, zeinetan jarduera ekonomikoa gutxieneko eta funtsezko kotetan garatu den.
Obra publikoa ere berriro hasi da
Jarduera industrialak egingo duen bezala, obra publikoak ere bihar ekingo dio bere jarduerari, martxoaren 30etik geldirik egon ondoren. Hain zuzen ere, ETSren, Euskal Trenbide Sarearen, obra guztiak bihar berrabiaraziko dituzte. Aipatzekoak dira Donostian Topoaren lanak, bai tunelean, bai lurrazalean, Euskal Y-aren Abiadura Handiko Trenaren lanak, baita tranbia- eta trenbide-sareko hainbat obra ere. Portuko eremuan ere obra ezberdinak berrezarriko dituzte: Ondarroako arrantzaleen lonja eta kaien konponketa.
Garraio publikoko prebentzio-neurriak
Euskadin laneratzea pixkanakakoa izatea espero bada ere, pertsona gehienak bihar bertan hasiko dira lanean. Hori dela eta, Euskadiko Garraio Agintaritzak garraio publikoaren eskaintza %40 eta %60 artean berrezartzea erabaki zuen joan den ostegunean, azken egunetan eskaintzen ari zen asteburuko maiztasunaren aldean, indarrean dagoen TMA 273/2020 agindua betez: Operadore bakoitzak beretzat gordetzen du bere eskaintza benetako eskarira eta bere beharretara egokitzeko eskubidea, bai eta, beharrezkoa bada, zerbitzuaren %100 puntako orduetan bermatzeko eskubidea ere, bidaiari gehiago egon baitaitezke.
EGAk gogorarazi du puntako ordutegietako zerbitzuek baimendutako jardueretan sarrera eta irteera ordutegiak betetzen dituztela lanpostuetarako sarbidea bermatuz, baina legez mugikortasuna mugatuta dagoela gogoraraziz. Operadore publikoak diren aldetik, osasun-agintariek agindutako kontrol- eta prebentzio-neurri guztiak bultzatzen jarraituko dute, edukiera murriztuko da eta osasun-agintaritzek erabiltzaileen artean ezarritako urruntzea beteko dela bermatuz.
Garraioaren erabiltzaileei maskarak banatzea
Gaur, Eusko Jaurlaritzak eta Espainiako gobernuak bilera egingo dute garraio publikoaren erabiltzaileei maskara banatzeari buruzko xehetasunak aztertzeko. Segurtasun Sailak horien banaketa koordinatuko du, eta argibide gehiago emango ditu bilera amaitutakoan.
Banatuko diren maskara “higienikoak” erabilera bakarrekoak dira, “erabili eta bota” beharrekoak.
Datozen bi egunetan egingo da banaketa, eta Gurutze Gorriak eta DYAk Euskadiko Tren, Metro eta autobus geltoki nagusietan banatzeko duten aukera aztertzen ari dira.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.