Spri Taldea Enpresen Garapenerako Euskal Agentzia
Talleres Asca 1970eko hamarkadan arte sortu zen, Durangaldean zeuden burdinurtuei zerbitzua emateko helburuarekin. 2014an, zuzendaritza berri batek bazkide sortzaileen lekua hartu zuen, eta enpresa eraldatzeko eta modernizatzeko aldi bati hasiera eman zion. Horretarako, enpresa plan estrategiko batekin ari da lanean, non funtsezko ildoetako bat produktuen dibertsifikazioa eta fabrikazio-teknika berrien erabilera den, hala nola hidrosolidifokazioa.
Sektore eta prozesu berrien bilaketan, Talleres Asca enpresak aluminiozko piezak galdatzeko hidrosolidifikazio bidezko hozteak eskaintzen dituen aukerak aztertzea erabaki du. Teknika honen bidez, horma oso finak dituzten piezak garatzen saiatu dira, aeronautikaren sektorean asko erabiltzen direnak eta piezaren barne-kalitateari eta porositateei dagokienez oso ezaugarri zehatzak behar dituztenak. Proiektu honi esker, enpresak egiaztatu ahal izan du hidrosolidifikazio bidez lortutako piezen porositatea hozte naturalaren bidez fabrikatutakoena baino ehun aldiz txikiagoa dela.
Piezen galdaketa
Cikautxo Mondragon taldeko automobilgintzako kooperatiba bat da, eta 2.500 langile inguru ditu mundu osoan, presentzia nabarmena baitu Espainian, Txekiar Errepublikan, AEBetan, Mexikon eta Indian, besteak beste.
Heroslam Euskadiko lehen Lan Sozietate Anonimoa da, 1973an sortua. Eskakizun handiko sektoreetarako (aeronautika, eraikuntza, automobilgintza...) hariztatzeko tresnen fabrikazioan oinarritutako enpresa da.
In-metals Inoxidables enpresa Teknikerrekin elkarlanean aritu da BDIH Konexio programaren bidez, altzairu herdoilgaitza koloratzeko prozesua optimizatzeko. Zehazki, "magnetron sputtering" teknikarekin esperimentatu du, PVD bidezko kolorazioak kanpoaldean eragiten zituen arazoak konpontzeko. Egindako probei esker, In-metals-ek bere produktuak askoz ere ingurune oldarkorragoetan erabili ahal izan ditu.
Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi propio ditu, bi Euskadin eta hirugarren bat Mexikon. Ingeniaritza eta fabrikazio-zerbitzuengatik nabarmentzen da, batez ere hainbat fabrikazio-prozesu integratzeko duen gaitasunagatik, hala nola soldadura, itsasgarria eta pintura.
Orbik Cybersecurity 2023an agertutako enpresa bat da, Ikerlaneko zibersegurtasun arloaren hazkundearen ondorioz sortua. Jaio zenetik, bere helburua industria-sektoreari kanpoko zigilu bat eskaintzea izan da, bere produktuak ziberseguruak direla ziurtatzeko, nazioarteko zibersegurtasun-arau zorrotzenen arabera.
