Spri Taldea Enpresen Garapenerako Euskal Agentzia
HRE Hidraulic Elgoibarren kokatuta dago eta fluxu industrialen arloko ingeniaritza-soluzioen garapenean espezializatuta daude, hainbat sektore barne hartzen ditu, besteak beste, makina-erreminta eta prestakuntza, muntaiarako eta manipulaziorako makineria, aluminioa injektatzeko makineria, papergintza, elikadura makineria, siderurgia, ijezketa eta galdaketa. Teknologia horien guztien azken helmuga automobilgintza, trenbidea, aeronautika, oil & gas, elikadura eta ontzigintza dira, besteak beste.
HRE Hidraulic-en bideoan zeukaten beharra eta planteatutako soluzioa zehatz-mehatz ikusiko dituzu. Proiektuan hozte-sistema kriogeniko bat aplikatu dute mekanizatuko tresnak hozteko eta euren bizitza luzatzeko. BeCold izeneko eredu bat da, duela hainbat urtetik erabiltzen dutena, baina orain teknologia baliozkotu dute nitxo zehatz baterako, alegia mekanizatu biomedikorako, hau da, hezur inplanteak, aldakak edo bestelako protesiak jartzeko.
Sektore biomedikoan CO2 bidezko hozte-sistema kriogenikoko teknologia sartzea, protesiak modu ekologikoan ez ezik modu higienikoki eraginkorragoan mekanizatu eta amaitzeko.
Beste makineria eta ekipamenduko handizkako merkataritza
Cikautxo Mondragon taldeko automobilgintzako kooperatiba bat da, eta 2.500 langile inguru ditu mundu osoan, presentzia nabarmena baitu Espainian, Txekiar Errepublikan, AEBetan, Mexikon eta Indian, besteak beste.
Heroslam Euskadiko lehen Lan Sozietate Anonimoa da, 1973an sortua. Eskakizun handiko sektoreetarako (aeronautika, eraikuntza, automobilgintza...) hariztatzeko tresnen fabrikazioan oinarritutako enpresa da.
In-metals Inoxidables enpresa Teknikerrekin elkarlanean aritu da BDIH Konexio programaren bidez, altzairu herdoilgaitza koloratzeko prozesua optimizatzeko. Zehazki, "magnetron sputtering" teknikarekin esperimentatu du, PVD bidezko kolorazioak kanpoaldean eragiten zituen arazoak konpontzeko. Egindako probei esker, In-metals-ek bere produktuak askoz ere ingurune oldarkorragoetan erabili ahal izan ditu.
Talleres Asca 1970eko hamarkadan arte sortu zen, Durangaldean zeuden burdinurtuei zerbitzua emateko helburuarekin. 2014an, zuzendaritza berri batek bazkide sortzaileen lekua hartu zuen, eta enpresa eraldatzeko eta modernizatzeko aldi bati hasiera eman zion.
Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi propio ditu, bi Euskadin eta hirugarren bat Mexikon. Ingeniaritza eta fabrikazio-zerbitzuengatik nabarmentzen da, batez ere hainbat fabrikazio-prozesu integratzeko duen gaitasunagatik, hala nola soldadura, itsasgarria eta pintura.
