Imegar: “Hazinnovak gure langileen berrikuntza ezagutzak areagotzeko aukera eman digu”

Imegar doitasunezko galdaragintza finean aritzen den enpresa bat da, Laudion (Araba) kokatua, eta galdaragintzako edozein pieza edo elementu fabrikatzen eta banatzen du. Bere produktuen artean, txapazko pieza txikiak zein metalezko armairu handiak topa daitezke, eta enpresa txiki eta ertainei zein enpresa multinazional handiei eskaintzen die bere zerbitzua, haietako batzuk atzerritarrak. 

Arabako enpresak SPRI Taldeak sustatutako Hazinnova programan parte hartu du berriki, bi proiekturekin. “Horietako batek gure produktu nagusiaren fabrikazio-prozesua hobetzeko balio izan digu, Lean Manufacturing metodologia aplikatuz, lehen fasean ezarriz eta hurrengo faseetan modu autonomoan jarraitzeko irizpideak zehaztuz. Beste proiektuak tailerraren banaketa lantegian berrantolatzeko balio izan du, instalatuko diren makina berrietara eta egungo eta etorkizuneko ekoizpen-beharretara egokituz”, adierazi du Jokin Duartek, Imegarreko kalitatearen kudeaketaren eta hobekuntzaren arduradunak. 

Gainera, Imegarrek beste proiektu batzuetan parte hartu izan du aurretik, Hazinnovaren eskutik, enpresaren barne produkzioa hobetzera bideratuta. Zehazki, 5S metodologia ezarri da toleste-eremuan eta biltegian. Horrez gain, makinak berritzeko SPRIren beste programa batzuetan ere parte hartu du. 

“Proiektu horiek guztiak hobekuntza eta berrikuntzari buruzko kontzientziazioa eragin dute langile guztiengan. Oinarri bat ezarri da, enpresako langileek berek tamaina txikiko proiektuak garatzen jarraitu ahal izateko”, azaldu du Imegarreko kalitatearen kudeaketaren eta hobekuntzaren arduradunak. 

1988an sortua, Imegarrek gaur egun 34 langile ditu. Etorkizunari begira, Laudioko enpresak bere jarduera berritzen jarraitu nahi du, bezeroei zerbitzu egokia eskaintzeko helburuarekin. “Merkatuaren eta gure bezeroen beharretara etengabe egokitu behar gara, sortzen diren bat-bateko aldaketek zerbitzuan eraginik izan ez dezaten”, azaldu du Duartek. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.   

Lotutako albisteak

3 uztaila, 2024 Berrikuntza

Luse Ingeniería: “Gure ekoizpen prozesuak eta kudeaketa pertsonala eraldatzen lagundu digu Hazinnovak”

Irakurri gehiago

13 ekaina, 2024 Berrikuntza

Euskaber: “Hazinnovaren bidez gure bezeroen erosketa-faktoreak ezagutu ahal izan ditugu, gure produktuaren irudia sendotzeko”

Irakurri gehiago

12 ekaina, 2024 Berrikuntza

AMPOk 60 urte bete ditu bere sektorearen gailurrean, balio teknologiko handiko balbulen fabrikazioari esker

Irakurri gehiago

6 ekaina, 2024 Berrikuntza

Erlo Group: “Hazinnovari esker, nazioarteko merkatuetan bezero potentzialak zehaztu ditugu eta gure barne-plangintza hobetu dugu”

Irakurri gehiago

27 maiatza, 2024 Berrikuntza

RB3 Innovación: “Berrikuntzarik gabe ez dugu lortuko herritarrak aldaketa-eragile bihurtzea”

Irakurri gehiago

Joan blog-era