Spri Taldea Enpresen Garapenerako Euskal Agentzia
Indart3D kooperatiba, 2020tik Irunen kokatuta, azken belaunaldiko 3D inprimagailuak diseinatzen, fabrikatzen eta saltzen ditu. Berriki aplikatu den teknologia bat ezagutarazteko prozesuan aitzindari gisa, Indart3D unibertsitate, ikerketa-zentro eta hainbat sektoretako enpresekin lan egiten du, hala nola medikuntza, ehungintza edo automobilgintza. Gipuzkoako enpresa honen abantaila nagusia moduluak eta teknologiak konbinatzeko gaitasuna da, proiektu bakoitzaren betebehar espezifikoetara egokitzeko, emaitza optimoekin eta kostu eskuragarriekin.
Indart3Dk urteak daramatza pellet bidezko estrusio-sistema batekin lanean, baina nagusiki material polimerikoen erabileran oinarrituta. Hala ere, homologazio-baldintza zorrotzak dituzten sektoreen eskakizunetara egokitzeko, hala nola medikuntzara edo automobilgintzara, beharrezkoa da pellet formatuan erabil daitezkeen material berrien azterketetan eta ikerketan aurrera egitea. Indart3Dk bere bezeroei eskain diezazkiekeen soluzioen kopurua handitzea da helburua, material metalikoekin edo zeramikoekin modu errazean lan egin ahal izan dezaten, besteak beste.
Fabrikazio gehigarria material berriekin
Cikautxo Mondragon taldeko automobilgintzako kooperatiba bat da, eta 2.500 langile inguru ditu mundu osoan, presentzia nabarmena baitu Espainian, Txekiar Errepublikan, AEBetan, Mexikon eta Indian, besteak beste.
Heroslam Euskadiko lehen Lan Sozietate Anonimoa da, 1973an sortua. Eskakizun handiko sektoreetarako (aeronautika, eraikuntza, automobilgintza...) hariztatzeko tresnen fabrikazioan oinarritutako enpresa da.
In-metals Inoxidables enpresa Teknikerrekin elkarlanean aritu da BDIH Konexio programaren bidez, altzairu herdoilgaitza koloratzeko prozesua optimizatzeko. Zehazki, "magnetron sputtering" teknikarekin esperimentatu du, PVD bidezko kolorazioak kanpoaldean eragiten zituen arazoak konpontzeko. Egindako probei esker, In-metals-ek bere produktuak askoz ere ingurune oldarkorragoetan erabili ahal izan ditu.
Talleres Asca 1970eko hamarkadan arte sortu zen, Durangaldean zeuden burdinurtuei zerbitzua emateko helburuarekin. 2014an, zuzendaritza berri batek bazkide sortzaileen lekua hartu zuen, eta enpresa eraldatzeko eta modernizatzeko aldi bati hasiera eman zion.
Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi propio ditu, bi Euskadin eta hirugarren bat Mexikon. Ingeniaritza eta fabrikazio-zerbitzuengatik nabarmentzen da, batez ere hainbat fabrikazio-prozesu integratzeko duen gaitasunagatik, hala nola soldadura, itsasgarria eta pintura.
