Industria nautikoaren berrikuntzari buruzko erreferentziazko kongresua Getxon egingo da
SAIL INN PROren industria nautikoaren berrikuntzari buruzko erreferentziazko kongresuaren laugarren edizioa azaroaren 8an eta 9an izango da Getxon. Sektoreko profesional nagusiak bilduko dituen ekitaldiak industria nautikoaren inguruko azken tendentziak eta berrikuntzak jorratzea izango du helburu. Kongresu honetarakoizen-emateakzabalik daude jada.
Kongresuak nazioartean ospe nabarmena duten adituek eskainitako hitzaldiak eta mahai-inguruak izango ditu. Landuko diren gaien artean ontzien diseinuko berrikuntzak, jasangarritasuna, eraikuntza-prozesuen hobekuntza, digitalizazioa, materialen berrikuntza, adimen artifizialaren aplikazioa eta nautikako erabiltzaileen portaera berriei erantzuna emateko zerbitzu berriak daude.
Asteazkenean, azaroaren 8an BiscayTIKen izango den kongresuaren irekiera-ekitaldia ontzi jasangarriak garatzeko unibertsitate proiektuei eskainitakoa izango da, eta nautikako eta ingeniaritzako unibertsitate nagusietako gradu eta master amaierako lanik onenak aurkeztuko dituzte. Saio horrek sektorea aldatu eta berrituko duten etorkizuneko profesionalak ezagutzeko aukera emango du.
Ostegunean, azaroaren 9an izango den bigarren hitzaldi-jardunaldiak nazioarteko ospea eta ospe nazionala duten adituen partaidetza izango du; Manolo Ruiz de Elvira, Francis Hueber, Gonzalo Redondo, Joseph Ozanne, Luca Rizzotti, Amy Munro, Jose Coello, Ignacio Castañeda eta Arturo Gutierrez arituko dira, besteak beste.
Jardunaldi horretan jorratuko diren gaien artean ontzi-diseinu berritzailea, itsas garraiorako propultsio eolikoaren berrikuntza, jasangarritasunerako bidean Foiling Ferryak giza garraiobide gisa erabiltzeko soluzio berritzailea, propultsio sistemen deskarbonizazioa eta industria nautikoaren digitalizazioa daude besteak beste. Simulatzaileen eta adimen artifizialaren erabileraz, tripulatu gabeko ontzi autonomoaren sarreraz, eraikuntza-prozesuetako ingurumen inpaktuaren murrizketaz eta nautika praktikatzen dutenen jarrera eta erabilera berriez ere eztabaidatuko da.
SAIL INN PRO 2018an sortu zen, nazioko eta nazioarteko profesional nagusiak konektatzeko jardunaldi profesional gisa, ezagutzak partekatzeko eta sektore nautikoaren teknologiaren eta berrikuntzaren bidezko negozio eredu berriak aztertzeko. Sektore nautikoa herrialdearen hazkunde ekonomikorako eta aberastasuna eta okupazioa sortzeko oinarrizko ekintzaile bilaka daitekeen ustetik abiatzen da kongresua.
Lotutako albisteak
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.