Ingeteamek propultsio hibrido-elektrikoko sistema bat sortu du Astilleros Zamakonak fabrikatuko duen arraste-ontzi ‘berdearentzat’
Danimarkako Gitte Henning enpresak Zamakona Shipyardi abenduan eskatutako arraste-ontzi berriak joan-etorrietan emisioak murrizteko propultsio-sistema bat izango du. Energia eraginkorrago bat sortzeko helburuarekin, Ingeteam euskal enpresa arduratuko da sistema hau sortzeaz. Sektore honetan, lan hau aurrerapauso bat da itsas industriaren elektrifikazioan eta ingurumen-parametroen hobekuntzan.
Arrantza pelagikorako (sardinak, txibiak, atuna edo antxoak, besteak beste) erabiliko den ontziak 87,6 metroko luzera izango du eta Zamakonak Santurtzin dituen ontzioletan eraikiko da, Salt Ship Designen diseinuarekin. Ingeteam energia elektrikoaren bihurketan espezializatuta dagoen teknologia-taldeak nabarmendu duenez, bere baitan sortutako sistemari esker ingurumena errespetatzen duen itsaso zabaleko arrantza egin ahal izango da, isurketak eta kontsumo elektrikoa murriztuz, energiaren ekoizpen eraginkorraren bidez.
Zehazki, Ingeteametik zehaztu dutenez, “propultsio hibridoaren sistema osoaren ingeniaritza, hornidura, abiaraztea eta itsas probetaz” arduratuko dira. Ingeteamen lanen artean propultsio-sistema nagusi bat, energia sortzeko sistema bat, potentzia banatzeko beste sistema bat eta energia biltegiratzeko gela bat izango dira. Motorrak Indarren fabrikatuko dira, eta motor hauek galera elektriko gutxiago, igorritako zarataren murrizketa eta energiaren erabileran eraginkortasun handiagoa izango dute.
Karga handia denean, biltegiratze-sistemak energia iturria erraztuko du, eta karga hori txikiagoa denean, berriz kargatzen ari diren sorgailuetan sobratzen den energia xurgatuko du, eta arrainak arrastatzean ‘winchek’ sortzen duten energia aprobetxatuko du. Honek erregai-kontsumoa % 10ean murriztuko du.
Lotutako albisteak
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.