Irizarrek 0 isurpeneko 10 autobus elektriko egingo ditu Alemaniako Düsseldorf hirirako
Azken 12 hilabeteetan Alemanian izan den autobus elektrikoen lehiaketa handienetako bat da
Irizarrek sinatu berri du Düsseldorfen (Alemania) Rheinbahn operadorearekin 10 autobus elektriko egiteko kontratua. Irizar ie bus modelokoak izango dira, zero isurpenekoak eta 12 metroko luzerakoak. Azken 12 hilabeteetan Alemanian izan den autobus elektrikoen lehiaketa handienetako bat da.
Kontratu honetako Irizar ie busa 2014tik hainbat hiritan dabilen modeloko belaunaldi berri bat da eta aurtengo urtearen bukaeran aurkeztuko da merkatuan. Azken berrikuntza teknologiko eta diseinukoak ditu, besteak beste: pisua %10 txikiagoa, bidaiari gehiagorentzat gaitasuna hainbat herrialdetako araudietara egokitzeko eta abar.
Ibilgailu erabat isila da eta isurpen kutsatzailerik gabea. Irizar Taldearen teknologia du elektronikari, energia biltegiratzeari eta komunikazioari dagozkion arloetan.
2 ate ditu, 34 eserleku, gidariaren eserlekua, gurpildun aulkientzat 2 leku eta guztira 74 pertsona eramateko gaitasuna. Ibilgailu hauek 200-220 km-ko autonomia dute. Gauez kargatuko dira, eragin-trukerako gaitasuna duten kargagailuekin, kargarako hargunea Combo 2-CCS2 eta 300hWh energía ontziratuarekin. Lehen unitateak urte bukaeran eta 2020ko lehen hiruhilekoan entregatuko dira.
Rheinbahn Düsseldorfeko garraio publikoko operadore bat da. 737 ibilgailutik gora ditu (autobus eta tranbiak) eta egunean 760.000 bidaiari.
Irizar e-mobilityk autobus elektrikoen eta haien kargarako azpiegituren salmenta eta salmenta ondorengo zerbitzuak eskaintzen ditu Alemania, Austria eta Suitzan Ferrostaal Equipment Solutions-en bitartez.
Lotutako albisteak
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du