Jon Ansoleaga (Build:Inn): “Euskadiko Eraikuntza Behatokia Europa mailan garrantzitsuena izatea dugu helburu”
Euskadiko eraikuntzaren klusterrak, Build:Inn-ek, plan estrategiko berria jarri du martxan 2024an, eta 2027ra arte ekimen berriak proposatu ditu, sektorean hazkundea, berrikuntza eta jasangarritasuna bultzatzeko. Ekimenen artean, Euskadiko Eraikuntza Industriaren Enplegu Ataria eta Euskadiko Eraikuntza Behatokia nabarmentzen dira.
Jon Ansoleaga Build:Inn-eko zuzendari nagusiak (lehen Eraikune deitua) azaldu duenez, bost ardatz nagusitan egituratuta dago plan berria. “Lehenengo biak garapen teknikora bideratuta daude, I+G, lehiatzeko hobekuntza eta garapen teknologikoko proiektuen bidez”. Azaldu duenez, horrek “industrializazioa eta digitalizazioa sustatzea eraldaketarako funtsezko palanka gisa, bai eta enpresei jasangarritasun-irizpideak ezartzen laguntzea ere, egungo araudiak eta joera globalak betetzeko”.
Beste hiru ardatzek hainbat arlotan lantzen dute Klusterraren sendotzea: protagonismoa etxebizitzarekin, azpiegiturarekin eta enpleguarekin lotutako politiken definizioan eta inplementazioan; sektoreak eragile ekonomiko eta sozial gisa duen zeregina nabarmentzeko gauzatutako proiektuen ikusgarritasuna; eta bikaintasuna kudeaketa aurreratuan, gardentasuna eta aukera berdintasuna lehenetsiz.
Build:Inn-en proiektu berritzaileenetako bat Euskadiko Eraikuntza Behatokia da, sektorean erabakiak hartzeko datuak eta informazioa eskaintzea helburu duena. “Behatokia da ilusio gehien egiten digun proiektuetako bat, Europa mailan indartsuena izatea helburu dugulako”, adierazi du Ansoleagak. Ekimenak garapen propioko plataforma teknologiko bat izango du, eta bertan bilduko dira lizitazio publikoetatik datozen datuak, adierazle makroekonomikoak, enpresen informazioa eta digitalizazioa eta jasangarritasuna bezalako aldagaiak. “Aldagai horiek lotzea da erronka, eta enpresak zein erakundeak babestea erabaki estrategiko horietan”, gaineratu du.
Klusterraren beste urrats garrantzitsuetako bat Euskadiko Eraikuntza Industriaren Enplegu Ataria da, Build:Inn Lan, eraikuntzaren sektorean enplegua sustatzeko diseinatutako plataforma. “Gure helburua eraikuntza gaur egungo enplegu beharrak betetzeko funtsezko sektore gisa kokatzea da”, azaldu du Ansoleagak. Tresnak profil teknikoak eta talentu mota hori eskatzen duten enpresak lotzen ditu, eta, duela gutxi, adimen artifizialeko sistemak integratu ditu, hautaketa-prozesuak optimizatzeko. “Teknologia horrekin, hautagaien eta enpresen arteko lotura arintzea lortzen dugu, erabakiak hartzean aldagai gehiago txertatuz”, azpimarratu du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elena Urbizu: “Gure helburua Luzaroko funts propioak sendotzea da, Euskadiko enpresen garapena finantzatzen jarraitzeko”
Euskadin jarduten duen kredituko finantza-erakundeak akordio berri bat sinatu du Europako Banku Zentralarekin, eta Eusko Jaurlaritzarekin eta finantza-erakundeekin duen aliantza berritu du.
GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
Eduardo Lasa: “Mugikortasunaren eta logistikaren sektorea Euskadin sendo dago eta erronka berrietarako prest”
Euskadiko Mugikortasun eta Logistika Klusterrak pertsonen mugikortasunaren, merkantzia-logistikaren eta garraio adimenduneko teknologiekin (ITS) lotutako industrien sektoreko 122 enpresa eta eragile biltzen ditu, eta urtean 12.500 milioi euro fakturatzen ditu.
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Asier San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira