Kimua, Aefameko gazte-taldea, sendotuz doa, eta azken urtean % 37 handitu du bazkide-kopurua
Kimuak, Euskadiko Familia Enpresen Elkarteko (Aefameko) gazte-taldeak, VIII. Urteko Batzarra egin du gaur, Bilbon. 2024ko ekitaldian garatutako jarduera nagusiak eta etorkizunerako erronkak zehaztu ditu. 2016an sortu zenez geroztik, sendotuz joan da, eta nabarmen handitu du bazkide-kopurua. Iazko ekitaldian soilik, % 37,36 hazi zaio bazkide-kopurua 2023koaren aldean, orduko 91tik oraingo 125era.
Agora La Caixan egindako Urteko Batzarrean familia-enpresari buruzko solasaldia antolatu da, non Eki Fundazioko zuzendari Nuria López de Guereñuk parte hartu duen (Saharaz hegoaldeko komunitate afrikarrei energia garbiak eskuratzen laguntzen dihardu Ekik). Esku hartu ondoren, mahai-inguruan hartu du parte López de Guereñuk. Kimuako lehendakari Nerea Uribe Etxebarria izan da moderatzailea, eta La Rioja Alta Taldeko zuzendari-ondoko Álex de Aranzabalek ere hartu du parte.
Kimua Aefamek sortu zuen, 2016an, helburu honekin: familia-enpresetako etorkizuneko belaunaldiak prestatzea, eta, horrela, enpresa horien ondorengotza-prozesuan laguntzea. Izan ere, enpresa guztiek aurre egin behar diote, lehenago edo beranduago, belaunaldi-erreleboari. Beraz, familia-enpresan karguak eskuratzea erabaki duten gazteak dira ekimenaren xede-taldea, bai eta, kudeaketan parte hartzen ez badute ere, konpainiako akziodun arduratsuak direnak ere.
Gaur egun, 125 gaztek osatzen dute Kimua, Aefameko 49 euskal familia-enpresa ordezkatzen dituztenak (Bizkaiko 29, Gipuzkoako 10 eta Arabako 10). Enpresa horiek zerbitzuetan, metalgintzan, ondasunen fabrikazioan, sektore elektriko/energetikoan, industrian eta automobilgintzan dihardute, besteak beste. Iazko ekitaldiaz geroztik, Nerea Uribe Etxebarria da Aefameko gazte-taldeko lehendakaria (GEINSA familia-enpresako Negozio Garapenaren arduraduna da).
Kimuak asmo honi eutsi dio sortu zenetik: Aefameko gazteentzako elkargune eta harremangune izatea, esperientziak partekatzeko, balio erantsia emango dieten mintegi, topaketa eta hitzaldietan, eta beste lurraldeetako zein Europako gainerako elkarteekin antolatutako forumetan. Horrez gain, familia-enpresaren inguruko ezagutza —belaunaldi-erreleboa, enpresaren balioak eta abar— gazteen artean hedatzeaz arduratzen da, elkartearekin koordinatuta.
Aefameri buruz
Aefame – Euskadiko Familia Enpresen Elkartea 2015ean sortu zen, eta IEF erakundeari lotuta dago. Guztira 76 euskal enpresak osatzen dute elkartea —liderrak dira zein bere jarduera-sektorean—. Euskal Autonomia Erkidegoko enpresa-ehunaren % 84 familia-enpresek osatzen dutenez, erreferentzia bat da gizartearentzat eta erakundeentzat, familia-enpresei eta familia enpresariei dagokienez. Guztien artean 15.500 milioi eurotik gorako fakturazio agregatua dute, eta 149.000tik gora langile. Aefame aspalditik ari da lanean Ecosistema proiektuan, zeinaren helburua baita familia-enpresarentzako eta familia enpresariarentzako ingurune faboragarri eta egokia sortzea, Euskadin errotuta jarrai dezaten bermatzeko.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez