Kudeaketa aurreratuaren Europako Astearen 29. edizioa hartuko du Euskadik

EUSKALITek Euskadiko Kudeaketa Aurreratuaren Europako Astea koordinatzen du aurten ere, Kudeaketa Aurreratuaren inguruko jardunbide egokiak eta esperientziak partekatzeko topagunea. Aurten 29. edizioa beteko da eta urriaren 16tik 27ra bitartean izango da, aurrez-aurre eta birtualak izango diren ekitaldien bidez. Astearen barruan Kongresu bat egingo da urriaren 19an eta 20an, aurrez aurrekoa izango da Bilboko Euskalduna Jauregian, baina streaming bidezko emisioarekin indartuko da.

Aurtengo Europako Asteak bi bloke handi izango ditu, kudeaketaren munduko egungo joerak islatzen dituztenak: Digitalizazioa, adimen artifiziala eta Kudeaketa Aurreratua: produkzio-prozesuen edo beste prozesu batzuen eraginkortasuna hobetzea, negozio-eredu berriak, prozesuen, produktuen eta zerbitzuen berrikuntza, etika eta erregulazioa, etab. Eta Pertsonen kudeaketa pertsonalizatzea: belaunaldi-erreleboa, talentuaren kudeaketa, adinarena, ezagutzarena, edadismoarena, dibertsitatearena…

Gai horiek Kongresuan eta Kongresutik kanpo egiten diren ekitaldien ardatz izango dira, eta era guztietako erakundeek parte hartu ahal izango dute beren jardunbide onekin eta esperientziekin, baldin eta praktika sendoak badira, dagoeneko diseinatuta, ezarrita edo aplikatuta badaude eta emaitza positiboak badituzte.

Hautagaitzak ekainaren 30era arte aurkeztu daitezke. Informazio guztia eskuragarri dago Astearen webgunean: www.euskalit.net/semana

Kudeaketa laburrean

Aurten, kudeaketari buruzko bideo lehiaketaren 7. edizioarekin jarraituko dugu, Kudeaketa motzean, Mondragon Unibertsitatearen laguntzarekin.

Enpresek eta erakundeek nahiz pertsonek parte har dezakete, antolaketan edozein emaitza lortzeko ikus-entzunezko baliabideak kudeatzea edo erabiltzea gai nagusi duten bideoekin.
Kudeaketa aurreratuaren ereduan deskribatutako edozein praktika izan daiteke, elementu bakoitzarekin zerikusia duena (estrategia, bezeroak, pertsonak, berrikuntza, gizartea eta emaitzak); prozesuen berrikuntzari buruzko jardunbide egokiak: negozio-eredu berriak, lan egiteko modu berriak, ekoizpena edo bezeroentzako zerbitzuak egokitzea edo eraldatzea, kohesioa eta barne-komunikazioa sustatzea, etab.; balioak eta jokabideak sustatzea (talde-lana, sormena eta berrikuntza, prebentzioa); gizarte-gaietan kontzientziatzea (berdintasuna, iraunkortasuna, ingurumena); bideo korporatiboak (markaren garapena eta posizionamendua); produktuak edo zerbitzuak deskribatzeko bideoak.

2022an Oarsoaldea Garapen Agentziak irabazi zuen, eta Bideo amateur onenaren saria ere banatu zen Bizkaiko Osasun Mentaleko Sarea-OSAKIDETZAk eta Athletic Club Fundazioak jaso zuena. Gainera,  Gorabidek Publikoaren Saria jaso zuen, 600 pertsona baino gehiagoren balorazioa jaso ondoren.

Parte hartzeko oinarriak eskuragarri daude Astearen webgunean: www.euskalit.net/semana