“Kultura eta Hiritartasuna” topaketak ireki du proiektuak aurkezteko deialdia Tabakaleran egingo duen ediziorako
Jardunaldiak kultura, zientzia, teknologia eta naturaren arteko trukeei buruzkoak izango dira
Azaroaren 11 eta 12an “Kultura eta Hiritartasuna”ri buruzko VI. topaketa egingo da Donostian, Kultura, artea, zientzia, teknologia eta natura izenburupean. Edizio honetako hitzaldi eta eztabaidek hizpide hartuko dituzte arlo horien arteko loturak sortzen dituen aukerak, beti ere kultura eta zientziaren arteko transbertsaltasuna bilatuz. Topaketaren xedea da kultura sustatzea ikuspegi kritiko eta anitz batetik, lurraldea sozialki eta ekonomikoki dinamizatzeko.
Kultura eta Kirol Ministerioaren Autonomi Erkidegoekiko Lankidetza Kulturalerako Zuzendariordetza Nagusiak antolatutako jardunaldi horiek dagoeneko ireki dute topaketaren gaiari buruzko proiektuak aurkezteko deialdia. Deialdia beraizik zuzentzen zaie Estatuko ekimen publiko, pribatu edo mistoei, eta baita ere Frantzia edo Portugalekoei, baldin eta ekimen horiek ardatz hartzen badituzte: kultura digitala, burujabetza teknologikoa, maker kultura eta artearen, hiritarren parte-hartzearen eta zientziaren arteko bidegurutzeak. Orobat aukeratuko dira Covid-19aren ondorengo balizko eszenatokiak aztertzen dituzten proiektuak.
Proposamenak bidaltzeko epea zabalik egongo da ekainaren 26ra arte. Antolatzaileek 20 ekimen aukeratuko dituzte topaketako egitarauan aurkezteko, baina beste espazio bat ere egongo da gainerako proiektuen berri emateko erakusketa eta networking gune baten bidez.
Europako Batzordearen iritziz, kultura- eta sormen-industrien arloa sektore estrategiko bat da, potentzial handia duena eskualdeetako garapen sozial eta ekonomikoa sustatzeko. Eusko Jaurlaritzak Zientzia, Teknologia eta Berrikuntza 2020 Planaren barruan egindako espezializazio adimendunerako RIS3 Euskadi berrikuntza-estrategiaren barruan, kultura- eta sormen-industriak espezializazio adimendunerako aukera-lurralde gisa identifikatuta daude.
Lotutako albisteak
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute