Kupsak hogei bat herrialdetara saltzen ditu modu erregularrean bere berniz eta pintura industrialak
Duela 55 urtetik Arabako Oion udalerrian kokatutako enpresa da Kupsa. Bernizak eta pinturak fabrikatzen ditu hainbat material babesteko, adibidez, egurra. Merkatu-hobi horretan, erreferentea da estatu mailan. Batez beste, produktu mota horren 13.000 tona inguru irteten dira haien instalazioetatik, eta % 35 esportatu egiten dute. Une honetan 170 langile ditu enpresak. Polonian, Mexikon, Indian eta Portugalen ditu filialak, eta nazioarteko ekosistema horrek aukera ematen dio modu erregularrean lau kontinentetako hogei bat herrialdetara saltzeko. Hala azaldu du gerenteak, Manuel Susínek.
1969tik Oionen, beti leku berean…
Hala da, bai. Errioxaren mugan gaudenez, etekinen bat lortzeko egin genuela uste du jende askok, baina ez. Enpresa 1969an sortu zen, eta ordutik leku berean egon gara. 1973an kokapena aldatu genuen, baina beti udalerri beraren barruan.
Zer moduz doaz gauzak?
Urte zailak dira, baina balantzea positiboa da. Orokorrean, enpresak eutsi egiten dio eta pixkanaka aurrerantz goaz.
Zein da zehazki KUPSAren jarduera?
Erabilera industrialerako bernizak eta pinturak fabrikatzen ditugu. Ez dugu publiko zabalarentzako pinturarik egiten. Hori dela eta, marka ez da oso ezaguna. Ez dira ohiko pinturak. Industriei eta banatzaile profesionalei bakarrik saltzen diegu. Gure jardueraren zatirik handiena egurrean oinarritzen da. Fabrikazio industrialerako, altzarietarako edo zurgintza-elementuetarako erabiltzen da egur hori. Beste gainazal batzuetarako (adibidez, metala, hormigoia…) pintura industrialen negozio-ildo bat ere badugu. Eta, azkenik, hirugarren hanka bat dugu, aluminiozko latorriaren gainean litografiak egiteko, metalezko ontzietarako.
Sektoreei dagokienez, non duzue fokua?
Enpresak, hasieran, egurrarekin bakarrik egiten zuen lan. Baina, denbora igaro ahala, altzariak egiteko hainbat material erabiltzen hasi ziren, eta material horiei akabera emateko produktuak garatzen hasi ginen. Osagai horiekin hasi ginenean, apur bat dibertsifikatu genuen jarduera. Baina fabrikatzen dugunaren % 80 egurrarentzako estaldurak dira. Hori da gure jardueraren adar nagusia.
Testuinguru orokorra ziurgabea izan arren, azken hiru urteetako datuak oso onak izan dira. % 50 hazi zarete eta nazioarteko liderrak izateko prestatzen ari zarete…
Nazioartean abantaila oso handia ateratzen diguten lehiakideak ditugu, baina estatu mailan produktu mota horien fabrikatzaile handienak bihurtu gara. Azken urteetan hazkunde garrantzitsua izan dugu, eta orain hori mantentzen saiatzen ari gara.
Hainbat merkatutan egotea (KUPSAk 20 herrialdetara saltzen du) lagungarria da “krisiak katastrofikoak ez izateko”…
- urtean, krisia iritsi zenean, gure bezero garrantzitsuak hil egin ziren. Une hartan gure salmentak merkatu nazionalera bideratuta zeuden, gehienbat, eta nazioartekotzea serioago hartu behar genuela ohartu ginen. Kanpoan inbertitu genuen, filial berriak erosi genituen… Herrialde bat krisian egonagatik, beste batzuek ez dutela zertan krisian egon ikasi genuen. Hainbat egoera izan ditugu, hainbat unetan merkatu jakinei eragin dietenak. Baina, gaur egun, nazioarteko ekarpena fakturazioaren % 35ekoa da. Duela urte asko hasi genuen ildo hori, eta ezin dugu utzi.
Zenbat baliabide bideratzen dituzue berrikuntzara?
Sail teknikoan langile dezente ditugu. Azken urteetan, gastua arrunta izanik, fakturazioaren % 5 gasta dezakegu sail teknikoan eta bezeroei laguntza teknikoa emateko jardueretan (gure negozioaren zati oso garrantzitsua da hori) eta berrikuntza-proiektuetan. Baina, saltzen dugun produktu motarekin, berritzeko eta laguntza teknikoa emateko gaitasunik izan ezean, hilda geundeke.
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.
Naberan Sareak: “Hazinnovak enpresan pertsonen arteko harremanak hobetzen lagundu digu”
Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.
Arrosi: “Surfeko oholen fabrikazioa da paper kizkurtuaren aplikazio exotikoenetako bat”
Elduainen dagoen enpresa honek lau hamarkada daramatza papergintzaren erreferentzia izaten
Zerbimek: “Serie laburren, pieza unitarioen eta prototipoen mekanizazioan espezializatzen gara, eta hori ez da ohikoa sektorean”
CNC mekanizazioan espezializatutako enpresak 'Prestakuntza Dualeko Gipuzkoako Enpresarik Onenaren' saria jaso du bere talentu gaztearen aldeko apustuagatik.
Zeatz: “Urte hauetan lortutako esperientziak garrantzi handiko proiektuei aurre egiteko aukera ematen digu”
Neurrira diseinatutako zatitzaileen fabrikazioan espezializatutako Gipuzkoako konpainiak berrikuntzaren eta zentro teknologikoekin lankidetzan aritzearen alde egiten du, irtenbide pertsonalizatuak garatzeko.
Vidrala: “Aiaraldearentzako aukerarik onena bertako lehiakortasuna da”
Beiragile arabarra eskualdeko motoreetako bat da, eta 5.000 pertsonari ematen die lana 11 ekoizpen-lantegitan. Horietatik urtean 9.000 milioi botila eta ontzi irteten dira