Label Factory: “Etiketatze-sektoreko beharrei erantzuna ematen diegu, soluzio eta ekipo teknologikoen bidez”
Label Factory 2014an sortutako enpresa da, egoitza Zornotzan (Bizkaia) duena. Sortu zenetik, etiketen sektorean lan egiten du, eta mota guztietako teknologiak eta ekipamenduak (Labelit marka) diseinatzen, fabrikatzen, merkaturatzen eta instalatzen ditu. 20 langile baino gehiago ditu, eta urte honetan 3 milioi eurotik gorako fakturazioa lortzea aurreikusi du. Gainera, enpresa honek Coca Cola, Heineken edo Repsol bezalako enpresa nabarmenentzat lan egiten du. Elkarrizketa honetan, Gabriel Gil Arechederra zuzendari nagusiak sektorearen funtzionamenduaz, enpresaren berrikuntzaren eta nazioartekotzearen aldeko apustuaz eta enpresaren etorkizunaz hitz egin du.
Label Factory etiketen sektorean dihardu. Zertan datza enpresaren jarduera?
Kontsumitzen ditugun produktuek, edozein motatakoak izanik ere, kontrolaren eta araudiaren aldetik -kontsumo-kateko etapa guztietan seurtasuna bermatzea beharrezkoa da-, identifikatzaileak izan behar dituzte merkatuan duten ibilbidea kodetzeko eta argitzeko.
Identifikazio hori bai produktu unitarioetan (unitate bakoitzeko), bai taldekatutakoetan (kaxak, packak…) eta pilatze-formatuan (paleak) egiten da. Label Factory enpresak behar horiek guztiak asetzeko soluzio eta ekipo teknologikoak eskaintzen ditu.
Zein sektoretan erabiltzen dira enpresaren produktuak?
Gure soluzioei esker, azken belaunaldiko teknologia erabili daiteke identifikazio-, kodifikazio- eta trazabilitate-lan guztietan. Eginkizun horien barruan, eta bezero bakoitzaren beharrizan eta baldintza zehatzetarako egokituz, ohikoa da gure ekipoek neurrira egindakoa soluzio esklusiboak eskaintzea. Abiadura handiak, zehaztasuna eta etiketen aplikazio iraunkorra dira industrian dauden hiru alderdi kritikoenak, produktuaren bilakaera-katearen faseetako identifikazio-kontuei dagokienez. Eta horietan zentratzen da Label Factoryren jarduera.
Ia industria-sektore handi guztietan presentzia dugu, eta bereziki identifikazio-premia zorrotzenak dituzten sektoreetan lan egiten dugu (abiadura, zehaztasuna eta jarraitutasuna): elikadura eta edari sektorea, higiene eta osasun sektorea, energia, automobilgintza-osagaiak… Aurreko sektoreen barruan, gure bezero-zorroan marka oso nabarmenak ditugu, eta horien bidez, lantegi ugari hartzen dituzten proiektu handiak garatzen ditugu: Coca Cola, Mahou-San Miguel Taldea, Heineken, Antolín Taldea, Repsol…
Zein merkatutan dihardu gaur egun Label Factoryk? Epe laburrera edo ertainera merkatu berrietan sartzeko asmoa du enpresak?
Gure egungo merkatu geografikoak, batez ere, Espainia, Portugal eta Mexiko dira. Hala ere, Europako herrialde nagusietan eta Amerikako hainbat herrialdetan ere presentzia izatea ahalbidetuko digun sarea garatzen ari gara. Horretarako, banaka zein identifikazio sektoreko nazioarteko partnerrekin elkarlanean ari gara, ikuspegi eta hedapen- planak garatzeko asmoarekin.
Zer berrikuntza aipagarri dituzue zure produktuen artean?
Gure azken berrikuntza hardware batean oinarritzen da, eta garapen azken fasean gaude. Elikadura- eta edari-enpresa handi batentzat diseinatutako eta garatutako inkjet teknologia duten bi identifikazio-robot handiren instalazioaren azken fasean gaude hain zuzen ere, bere ekoizpen-lerroen iraunkortasuna handitzen laguntzeko, beste lan batzuen artean. Software proiektuen kasuan, elikaduraren eta edariaren sektoreko beste konpainia nabarmen batek Estatuan dituen ekoizpen-planta guztietan kodifikazio- eta trazabilitate-ekipoen kudeaketa integralerako gure softwarea ezartzeko lan egiten ari gara .
Enpresa hainbat garapen berritzailetan ari da lanean beti. Izan ere, hainbat patente eta erabilgarritasun-eredu ditu, gure ibilbidea hasi zenetik ia etengabe sortzen ditugun berrikuntzak babesten dituztenak. Adibidez, non stop independenteko eta baldintzatutako identifikazio-ekipoak, zuzeneko eta lankidetzako robotizazioa, linerlesak (lerro jasangarria), etab.
Etorkizunari begira, zer plan edo helburu ditu enpresak?
Negozioaren egungo konfigurazioa bi esparrutan banatzen da. Tradizionalean, balio erantsiko soluzioek baliabide- eta ezagutza-premia trinkoak ditu enpresak. Online esparruan berriz, teknologia-hornidura du (‘plug & play’ kontzeptuan oinarrituta), eta merkaturako lehentasunezko ezaugarriak beste batzuk dira.
Aurrekoa kontuan hartuta, gure 2022-2023 Plan Estrategikoa lau lan-ardatz nagusitan oinarritzen da: antolaketa egokitzea, merkataritza-optimizazioa, lerrokatze operatiboa eta integrazio digitala. Horiek hurrengo bi ekitaldietan garatu beharreko 15 helburu estrategiko dituen plan batean zehazten dira. Helburu horiek lortzeak aukera emango dio konpainiari kontu handietan lortutako posizionamendu ona aprobetxatzeko, balio erantsi handiko gure irtenbideak hedatzen jarraitzeko eta sinergiak gauzatzeko.
Azken batean, bikaintasun eraginkorra lortzeko gure jarduera lerrokatu, sinplifikatu eta integratu behar dugu.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.
Naberan Sareak: “Hazinnovak enpresan pertsonen arteko harremanak hobetzen lagundu digu”
Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.
Arrosi: “Surfeko oholen fabrikazioa da paper kizkurtuaren aplikazio exotikoenetako bat”
Elduainen dagoen enpresa honek lau hamarkada daramatza papergintzaren erreferentzia izaten
Zerbimek: “Serie laburren, pieza unitarioen eta prototipoen mekanizazioan espezializatzen gara, eta hori ez da ohikoa sektorean”
CNC mekanizazioan espezializatutako enpresak 'Prestakuntza Dualeko Gipuzkoako Enpresarik Onenaren' saria jaso du bere talentu gaztearen aldeko apustuagatik.
Zeatz: “Urte hauetan lortutako esperientziak garrantzi handiko proiektuei aurre egiteko aukera ematen digu”
Neurrira diseinatutako zatitzaileen fabrikazioan espezializatutako Gipuzkoako konpainiak berrikuntzaren eta zentro teknologikoekin lankidetzan aritzearen alde egiten du, irtenbide pertsonalizatuak garatzeko.
Vidrala: “Aiaraldearentzako aukerarik onena bertako lehiakortasuna da”
Beiragile arabarra eskualdeko motoreetako bat da, eta 5.000 pertsonari ematen die lana 11 ekoizpen-lantegitan. Horietatik urtean 9.000 milioi botila eta ontzi irteten dira