Laucirica Transmisiones, Bizkaia Zubian eta Reale Arenan dagoen ETE familiarra
Laucirica Transmisiones bigarren belaunaldiko ETE familiarra da, duela 45 urtetik potentzia-transmisioaren munduan murgilduta dagoena. Gaur egun, Erandioko fabrikan, 12 pertsonako talde espezializatu bat abiadura-murriztaileak mihiztatzen eta konpontzen aritzen da. Era berean, makinen transmisio mekaniko eta elektronikoko osagaiak kalkulatu eta aholkatzen ditu, kate zinematiko osoa maiztasun-aldagailutik makinari lotzeko akoplamenduraino hornituz. Gainera, motorren eta erreduktoreen mantentze prediktiboa egiten du, eta horiek prebentzio- eta zuzenketa-mailan konpontzen ditu.
Gotzon Rodríguez Lauciricak, familia-enpresaren bigarren belaunaldiak eta merkataritza-arduradunak, azaldu duenez, “Lauciricaren sorrerak Espainiako iparraldea hurbiletik eta modu profesionalean artatuko zuen teknikari talde bat osatzeko bidea eman zuen”.
2017ko urrian, 500 m2-ko pabiloi batera lekualdatu ziren. Pabiloi horri esker, orain askoz material gehiago dute stockean, eta, horrela, zerbitzu hobea ematen diote eragin-eremuari eta muntaia-makinen eta kalitate-kontrolen ekoizpen- eta konponketa-eremuari. Aldaketa horrek ekonomikoki ere hazten lagundu die. 2023an %6,8 gehiago fakturatu dituzte.
Bizkaian kokatuta, non burdinak historikoki hainbesteko garrantzia izan duen, metalaren industria Laucirica Transmisionesen zutabe nagusia da. Gainera, lotura handia du materialen manipulazioarekin, hondakinen kudeaketarekin, uren tratamenduarekin, elikadurarekin edo sektore kimikoarekin. Rodriguezek adierazten duen bezala, bezeroak askotarikoak dira: “Adibidez, packaging edo makina-erreminta fabrikatzaileekin lan egiten dugu, gero eta makina edo ekoizpen-linea gehiago esportatzen baitituzte atzerrira, baita harrobietako edo altzairutegietako azken erabiltzaileekin ere”.
Laucirica Transmisiones enpresak industria-mailan parte hartzen duen proiektu garrantzitsuenen artean daude siderurgia-linea handien motorizazioa edo moneta-papera inprimatzeko azken teknologiako makineria. Bizkaiko Zubi Esekiaren edo Reale Arenako teilatuaren translazioaren propultsioan eta mantentzean ere badago. Izan ere, LinkedIneko orrialdean adierazten duten bezala, duela gutxi adimen artifizialeko sentsore berritzaile batzuk jarri zituzten Bizkaia Zubiaren motorretako batean, osagaien narriadura aldez aurretik iragartzeko.
Bitxikeria gisa, bere jarduera nagusiez gain, Laucirica Transmisionesek bere bezeroentzako prestakuntza ere eskaintzen du, eta Rodriguezek uste du hitzaldi horiek bezeroen ezagutza eta konfiantza hobetzen dutela: “Gure arrakastaren gakoetako bat gure produktua ondo ezagutzea eta industriako makinentzako eragingailu zuzenak kalkulatzen jakitea da. Ezagutza hori helarazteak gure bezeroekiko harremana indartzen du”.
Motorreduktoreetan liderra den enpresa batek saritu du
Iazko urtarrilean, Bonfigliolik, motorreduktoreen diseinuan, ekoizpenean eta banaketan erreferentzia den familia-enpresa italiarrak, Laucirica Transmisiones Espainiako BEST Gold banatzaile lehen eta bakar gisa aitortu zuen, egindako auditorian puntuaziorik handiena lortu baitzuen. “Lortutako arrakastek eta prozesuetan lortutako kalitate-mailak, esperientzia-urteek eta taldean lan egiteko modu lerrokatuak [Bonfiglioli] ahalik eta aintzatespen gorena jasotzera eraman gaituzte”, dio Rodríguezek. Gainera, aurten ISO 9001 kalitate-ziurtagiria lortu dute.
Etorkizunari begira, enpresak merkatu eta produktu berrietan hazten jarraitu nahi du, baita motorreduktoreak konpontzeko zerbitzuan ere. Gotzon Rodríguezek azaldu duenez, “industriako hainbat sektorerentzat lan egitearen abantailak aukera ematen digu hazkunderik handieneko sektoreetan arreta jartzeko, eta, horretarako, baliabide gehiago bideratuko ditugu merkataritza eta marketin arloetara”.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.