Europako Eureka sareak Covid-19aren inguruko ikerketarako laguntzak bultzatu ditu
Proiektuek nazioarteko partzuergoenak izan behar dute, eta aukeratutako zazpi herrialdeetatik (Espainia barne) gutxienez bi herrialdetako erakundeek parte hartu behar dute proiektuotan
Berrikuntzako gobernu arteko Europako Eureka sareak laguntza deialdi bat abiarazi du Covid-19aren inguruko ikerketarako. Helburua da ikertzaileek nazioarteko partzuergoak sortu ditzatela lankidetza indartzeko pandemiarentzako konponbideen bilaketan.
Proiektuak zazpi herrialdetara bideratuta daude: Austria, Kanada, Danimarka, Frantzia, Herbehereak, Espainia eta Turkia. Ikerketarako laguntzak bultzatzen dituzten agentzia nazionalek kudeatuko dute finantzaketa. Espainiaren kasuan CDTI izango da finantzaketa kudeatuko duena. SPRI Taldeak, enpresen garapenerako euskal agentziak, estuki kolaboratzen du erakunde horrekin enpresak finantzatzeko orduan.
Proiektuak onartuak izan daitezen, zazpi herrialde horietako gutxienez bik parte hartu behar dute proiektu horietan.
Eureka sarearen helburua da koronabirusaren aurkako epe labur eta ertaineko konponbideen inguruko ikerketa bultzatzea hainbat arlotan, hala nola: infekzioen prebentzio eta babesean, desinfekzioan, diagnostikoan, osasun digitalean, arlo terapeutikoan, Covid-19a duten pazienteentzako teknologia adimendunean edo mugikortasun seguruan. Horretarako, oinarritzat hartuko dituzte, besteak beste, migrazioari buruzko datuak eta joerak, arriskuen eskualde mailako monitorizazioa, talde isolatuen eta arrisku-taldeen babesa, eta garraio publikoen erabilpen segurua.
Laguntza-eskaerak aurkezteko epea zabalik dago maiatzaren 15era arte. Aurreikuspenen arabera, proiektuak abuztuaren 3an abiatuko dira eta urtebeteko iraupena izango dute.
Lotutako albisteak
Wake Up! Resumen de noticias emprendedoras en la Red
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Martxoaren 13an: ‘Venture on the Road’ ekimenak proiektu teknologiko berritzaileak sustatuko ditu Bilbon
Potentziala duen IKT proiektu bat duzu eta sektoreko jendearekin konektatu nahi duzu? Ez galdu aukera hau.
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.
Imanol Pradales Lehendakariak etorkizuneko abiazioa bultzatuko duen ITP Aero zentro berria inauguratu du
Imanol Pradales Lehendakariak eta Pedro Sánchez presidenteak ITP Aeroren ADMIRE zentroa inauguratu dute gaur goizean Zamudion, 24 milioi euroko inbertsioarekin eta 150 enplegu kualifikatu baino gehiagorekin. Zentro horrek berrikuntza eta jasangarritasuna sustatuko ditu hegazkingintzan Euskadin
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean