Matricik bere jarduera dibertsifikatzearen eta I+G+Bren garapenaren aldeko apustua egin du

Zamudion (Bizkaia) kokatuta dagoen kooperatiba da Matrici, eta ia 60 urteko ibilbidea du. Bere jarduera automozioaren sektoreari zuzentzen da, karrozeriako osagaiak egiteko tresnak diseinatu eta fabrikatuz. 220 bazkidek osatutako plantillarekin, enpresa honek bere jarduera beste sektore batzuetara dibertsifikatzea erabaki du azken urteotan, hala nola aeronautikara, tresneria fabrikatuz eta osagaiak hornituz. 

Matriciren indarguneetako bat nazioartean duen presentzia da. Hain zuzen, bere jardueraren %85 baino gehiago esportaziora bideratuta dago. Automobilgintzako talde handiek konfiantza dute 1964an sortutako kooperatiba horretan, hala nola: Volkswagen, Skoda, Seat, Gestamp, Tower edo General Motors. 

Matriciren beste indarguneetako bat berrikuntzaren aldeko apustua da. Kooperatibak ez du ereduzko produkturik, proiektuak bezero bakoitzaren neurrira garatzen dira. Hori dela eta, Matriciko industria-zuzendari eta gerentekide Imanol Saituak dioenez, “gure konpainiako I+G+B gure barne-prozesuen hobekuntzan eta teknologia eta baliabide berrien integrazioan oinarritu da, punta-puntako sektore batean automobilgintzan lehiakortasun handiagoa lortzeko”. Matricik SPRI Taldearen laguntza jaso du bere berrikuntza-prozesuak hobetzeko, bai trokelgintzaren sektorean, bai aeronautikaren sektorean. 

Matriciren jarduerak eten bat izan duen urte gogor batzuen ondoren, joan den uztailean enpresak hartzekodunen konkurtsoa onartu zuen bideragarritasun-plan berri bat garatzeko. Berregituratze horren bidez, automobilak ekoizteko instalazioetako zerbitzu-eremua indartu nahi du kooperatibak, trokelgintzaren jarduera baztertu gabe. Gainera, sektore aeronautikoari zuzendutako dibertsifikazioarekin, enpresak beste oinarri bat du, eta dagoeneko baditu bezero nabarmenak, hala nola ITP Aero, Alestis, Lauak edo Airbus. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.   

Lotutako albisteak

27 ekaina, 2024 Berrikuntza

Gaztaren Institutuak gazta eta esne gordinaren aldeko apustua egin du, berrikuntzarako ibilgailu gisa

Irakurri gehiago

21 ekaina, 2024 Berrikuntza

Okatt empresak konponbide fidagarriak eta neurrira egindakoak eskaintzen ditu jasotze-sektorearen konplexutasun berrien aurrean

Irakurri gehiago

19 ekaina, 2024 Berrikuntza

KEM ONE saritu dute Espainiako Industria Kimikoaren Enpresa Federazioaren azken Segurtasun Sarietan

Irakurri gehiago

18 ekaina, 2024 Berrikuntza

Innobasquek adimen artifizialeko eta AA sortzaileko kasu praktikoen deialdia egin du hurrengo Global Innovation Day jardunaldirako

Irakurri gehiago

12 ekaina, 2024 Berrikuntza

aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian

Irakurri gehiago

Joan blog-era