Mondragon Unibertsitateak bularreko minbiziaren lesioak modu errazagoan lokalizatzeko sistema baten sorkuntzan parte hartu du
Bularreko minbizia duten pazienteen gongoil zentineletan lesioak bistaratzea errazten duen sistema bat eratu du Mondragon Unibertsitateak, Errioxa Osasun Fundazioko Medikuntza Nuklearreko Unitatearekin batera.
“Erradiazio hedatua xurgatzeko ezkutua” izeneko ereduak pazienteetan gongoil zentinelaren kokalekua zehazteko gaitasuna hobetzeaz gain, %80 baino gehiago murrizten du barreiatutako erradiazioa diagnostikoan.
Teknika gaixotasunaren lehen etapetan erabiltzen da, eta, horretarako, erradiofarmako bat injektatzen da eragindako eremuan, tumoreak linfa-gongoiletara mugitu diren hautemateko. Horrela, minbiziaren egoera zein den hobeto ondoriozta daiteke. Mondragon Unibertsitateak fabrikazioaren arloan duen esperientziari esker, 3D inprimaketaz ezkutuaren prototipo ergonomikoagoak egin dira, frogetan erradiazioa hobeto isolatzeko. Balioztatu ondoren, behin betiko ezkutuak sortu dira, berunezko xafla batzuk, irudi-proban erradiazioa mugatzea lortzen dutenak. Horrela, froga hori askoz zehatzagoa izatea lortu da.
Eredua Patente eta Marken Espainiako Bulegoan aurkeztu eta onartu da, Errioxa Osasuna Fundazioaren eta Mondragon Unibertsitatearen titulartasun bateratuarekin; eta gaur egun, urtean 150 emakumeren diagnostikoa eta tratamendua zehazteko erabiltzen ari da.
Mondragon Unibertsitateko Xabier Chamorro ingeniaritza doktorea sistema berri hau asmatu duen taldeko kide izan da. Harekin batera, Francisco Cañete Medikuntza Nuklearreko Unitateko mediku espezialista, Xavier Louis Etienne Boulvard Medikuntza Nuklearreko Unitateko laugarren urteko egoiliarra eta Pablo Javier Madorrán arkitektoa aritu dira lanean.
“Medikuek eta ingeniariek ikuspegi desberdinak ditugu, haientzat konplexua dena guretzat erraza da, eta alderantziz”, nabarmendu du Mondragon Unibertsitateak Chamorrok. “Funtsezkoa da hizkuntza berean hitz egitea, konponbideak bilatzen lagunduko dizuten topaguneak aurkitzeko gai izatea, konexio horietan dagoen potentziala oso zabala baita”.
Proiektu hau Mondragon Unibertsitatearen ikerketa-ereduaren adibideetako bat da. Horren bidez, gaitasun teknologikoak erakundeen beharrekin lerrokatu nahi dira, eta, hala, konpainiek eskatzen dituzten beharrei erantzun integralak eta diziplina anitzekoak ematea lortzen da.
Lotutako albisteak
Zinemaldia Startup Challenge 2025
Izen-ematea: apirilaren 15etik ekainaren 2ra arte
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.