NahiArte, sormena bultzatuz lan-aukera berriak irekitzeko

“FormArte hesirik gabeko arte-eskola bat da, sormenaren bidez lan egiten duena eta ezgaitasun psikiko eta intelektualak dituzten pertsonei zuzendua dagoena”, azaldu du Ana Urgoiti Guisasolak. Ana Urgoiti Arte Ederretan lizentziatua da eta kooperatibaren fundatzailekide ere bai. Urgoitik berak eta Cristina Bacete Díazek 2013an ireki zuten Formarte espazioa Bilbon, Oakland hiriko “Creative Growth Art Center” proiektua oinarritzat hartuta.

Kaliforniako zentroak bezalaxe, Formarte-k ere helburutzat du aukera ematea ezgaitasunak dituzten pertsonei euren sormena garatu dezaten, prestakuntza emanaz eta espazio bat eskainiz euren artea erakusteko.  Halaber, aukera profesional berriak irekitzen dizkie sorkuntzaren sektorean, eskolan bertan sortutako lanak salduz. “Artistek eskuz margotutako diseinu esklusiboak saltzen ditugu” dio Ana Urgoitik, “kamisetekin hasi ginen, baina orain egiten ditugu orobat aterkiak, alpargatak, amantalak, poltsak… 7 urteotan ikasi dugu zer doakigun ondoen, eta profesionalizatu egin gara”.

Gaur egun 50 ikasle daude eskolan, eta erabaki dute beste urrats bat ematea, NahiArte marka sortuz. Proiektu honekin zirkulua itxi nahi dugu, hasi prestakuntzatik eta profesionalizazioraino, horrela lan arloko irtenbide berriak eskaintzeko ikasleei. “Euren lan aukerak oso mugatuak direnez, uste dugu garrantzitsua dela irtenbide berriak irekitzea gustuko duten zerbait egiteko eta ondo egiten duten horretan aritzeko” dio FormArte zentroaren fundatzaileak. Horretarako, Bilboko hirigunean kokatuko den lokal berri bat atontzen ari dira. Bertan batuko dituzte prestakuntza -piezak fabrikatzeko tailerra barne- eta publikoarentzako salmenta, eta proiektu honen bidez ahalegina egingo dute eskolatik pasatzen diren ikasle batzuk kontratatzeko.

FormArte irabazi asmorik gabeko ekimen sozialeko kooperatiba bat da, Bizkaiko Foru Aldundiaren, Lanbide-ren eta Bilboko Udalaren laguntzarekin sortua. Orain crowdfunding kanpaina bat dute martxan NahiArte proiektua finantzatzen laguntzeko, eta espero dute urtearen amaiera aldera irekiko dutela lokal berria.

Lotutako albisteak

22 uztaila, 2024 Berrikuntza

Jabones El Abra: “Produktu litro bakoitzeko plastiko gutxiago erabiltzen duen ontzi ekologiko bat garatu dugu Hazinnovari esker”

Irakurri gehiago

18 uztaila, 2024 Berrikuntza

Mikel Jauregi industria klusterrekin elkartu da eta Euskadiren espiritu aitzindaria aldarrikatu du etorkizuneko erronkei eta aukerei aurre egiteko

Irakurri gehiago

12 uztaila, 2024 Berrikuntza

Biotz sendotu egin da Orklirekin aliantza estrategikoa itxi ondoren

Irakurri gehiago

9 uztaila, 2024 Berrikuntza

Erhardt Serikaten teknologia kuantikoak konponbide berritzaileak ematen dizkie logistikaren sektoreko arazoei

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

Joan blog-era