NAW: “Gure abantaila lehiakorra 10 urte bitarteko kirol-oinetako minimalista eskaintzea da”
NAW kirol-oinetako minimalisten marka da, Donostian sortua, berrikuntzan eta iraunkortasunean oinarrituta. Silvia Echeverría arkitekto eta publizista izan zen sortzailea, eta enpresa hau diseinuarekiko, kudeaketarekiko eta kirolarekiko duen pasiotik jaio zen. Teknologia aurreratua eta haurren osasunarekiko konpromiso sendoa uztartuz, NAWek urrats naturalari errespetua gordetzeko oinetakoak diseinatzen ditu, garapen osasuntsurako erosotasuna, malgutasuna eta arintasuna bermatuz. Ekonomia zirkularrean oinarritutako ikuspegiarekin, enpresak material birziklagarriak eta gertuko ekoizpena sustatzen ditu, oinetako minimalisten sektorean erreferente bihurtuz.
Zer da ‘oinetako minimalista’?
Oinetako minimalista osasungarriagoa den, zure urratsean ahalik eta gutxien eragiten duen eta oinutsik ibiltzearen antzekoa den oinetako mota bat da. Funtsean, gorputzaren biomekanika osoari mesede egiten dion eta zure mugimendu naturala errespetatzen duen oinetakoa da.
Zergatik da hain garrantzitsua oinetakoak pertsonaren anatomiara egokitzea?
Oinetakoak ahal den neurrian mugimendu naturalean ez eragitea ezinbestekoa da, batez ere garapenaren lehen faseetan. Azken finean, etapa honek gorputza modu koherentean garatuko den edo biomekanikan distortsio txikiak sortuko diren markatzen du. Aldaketa horiek, epe luzera, belauneko, lunbarko edo gorputzaren lerrokadurako arazoak eragin ditzakete. 16 urtera arte hezurdura ez dagoela guztiz osatuta kontuan hartu behar da. Horrek oinetako desegokiak hasieratik arazoak sor ditzakeela esan nahi du.
Zer izan zen NAW, oinetako kirol-osasungarriaren enpresa, sortzera bultzatu zintuen arrazoia?
Bi arrazoik bultzatu ninduten proiektu hau martxan jartzera. Alde batetik, jada oinetakoen sektorean lanean ari nintzen; bestetik, ni neu oinetako minimalistaren erabiltzailea naiz, eta nire semea ere bai. Horrela, haren garapen naturala sustatzen nuen. Hala ere, iritsi zen momentu bat non ez zuen jantzi nahi, bere lagun guztiek marka ezagunagoetako kirol-oinetakoa erabiltzen zituztelako. Une horretan, merkatuan kategoria honetan hutsune bat zegoela konturatu nintzen, nire semearentzako aukera egokirik aurkitzen ez bainuen.
Zein izan da erronka nagusia ikuspegi hori produktu erreal bihurtzeko orduan?
Erronkarik handiena hornidura-kate nahiko ona garatzea izan da, hemen, Euskal Herrian, ekoizteko. Izan ere, kirol-oinetakoen enpresarik gehienak Estatu Batuetan kokatuta daude. Donostiatik hornidura-kate bat koordinatzea konplexua da, batez ere industria honetan ez dagoelako ezagutza handirik.
Hala ere, Adidas edo Nike bezalako markek kirol-markek merkatu honetan duten pisua kontuan hartuta, zerk bereizten du NAW bere konpetentziarengandik?
Kirol-oinetakoen merkatuan gure bezeroak beraien seme-alabentzako urrats naturala errespetatzen duen oinetako bat nahi duten pertsonak dira. Gaur egun, NAW merkatu-nitxo horretan dauden aukera bakarretako bat da. Gure konpainiak 10 urtera arteko kirol-oinetako minimalista eskaintzen du, eta hori izan da beti gure abantaila lehiakorra. Une honetan, enpresa handi batzuk haurrentzako oinetako minimalista lerro txiki batzuk ateratzen ari dira, baina haien ekoizpen-egitura bestelako zapatiletarako diseinatuta dagoenez, ez dute eskaintza zabalik eta ez da haien negozioaren muina.
Para lograr este tipo de zapatillas minimalistas, ¿qué tipo de tecnologías y materiales innovadores se utilizan en NAW para favorecer la pisada natural?
Zer teknologia eta material berritzaile erabiltzen ditu NAWek urrats naturala errespetatzen duen oinetakoa garatzeko?
Oso ezaguna den Umana biomekanika-azterlanarekin egiten dugu lan eta gure teknologia propioa inplementatzen dugu kirol-erosotasuna hobetzeko. Hori lortzeko, inpaktu-egoeretan laguntzen duen sistema bat erabiltzen dugu, baina oinez ibiltzean ez du eragiten. Alde handia dago, izan ere, kirol-oinetako gehienek material bigunak erabiltzen baitituzte, beti deformazioak eraginez. NAWen erabiltzen dugun teknologia, berriz, barruko gradu batekin eta kirol-jarduera bakoitzerako propio diseinatutako fabrikazio-sistema batekin garatzen da. Aztertu, testatu eta ziurtatu egiten da. Gaur egun, gure oinarri teknologikoan oinarritutako patente baten garapenean ari gara lanean, haren errendimendua eta eraginkortasuna hobetzeko.
Beraz, oinetako minimalista ez da haurtzaroan soilik beharrezkoa, baita helduaroan ere?
Noski. Helduaroan agertzen diren podologia-arazo askoren jatorria haurtzaroko oinetako desegokietan dago. Gimnasioetan, adibidez, oso gomendagarria da oinetako minimalista erabiltzea, kirol-oinetakoak ezegonkorragoak baitira. Konturatuko zara indoor kiroletan aritzen diren askok oinutsik egiten dutela entrenamendua, zapalketa naturala errespetatzeko eta egonkortasuna zein gorputzaren lerrokadura hobetzeko.
Orduan, helduentzako oinetakoen eskaintza sartzeko asmorik al duzue zuen katalogoan?
Gaur egun, helduen eskaera asetzeko lanean ari gara. Une honetan, zola berriak garatzen ari gara, horrek denbora gehien eskatzen baitu biomekanika-mailan. Helburua datozen hilabeteetan haurtxotik helduarorainoko bilduma oso bat izatea da. Aldi berean, running, walking eta trail kategorietan ere sartu nahi dugu.
Epe luzera, oinetako minimalista iraunkorrak nazioartean eskala handian ekoizteko asmorik ba al duzue?
Orain Espainian kontsumitzaileari zuzeneko salmentan zentratuta gaude. Europa mailan, berriz, espezializatutako e-commerce baten bidez saltzen dugu Frantzian, Belgikan, Suitzan, Austrian eta Alemanian. Gauzak horrela, gure webgune propioan lan egin nahi dugu, hizkuntza horietara egokitutako salmenta eskaini ahal izateko, online zuzeneko salmentan zentratuz, bitartekariaren kostuak saihestuteko.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Gainera, SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elena Urbizu: “Gure helburua Luzaroko funts propioak sendotzea da, Euskadiko enpresen garapena finantzatzen jarraitzeko”
Euskadin jarduten duen kredituko finantza-erakundeak akordio berri bat sinatu du Europako Banku Zentralarekin, eta Eusko Jaurlaritzarekin eta finantza-erakundeekin duen aliantza berritu du.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
Eduardo Lasa: “Mugikortasunaren eta logistikaren sektorea Euskadin sendo dago eta erronka berrietarako prest”
Euskadiko Mugikortasun eta Logistika Klusterrak pertsonen mugikortasunaren, merkantzia-logistikaren eta garraio adimenduneko teknologiekin (ITS) lotutako industrien sektoreko 122 enpresa eta eragile biltzen ditu, eta urtean 12.500 milioi euro fakturatzen ditu.
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
Asier San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira