Neosub proiektuak energia-sektorean ekodiseinua integratu du, azpiestazio elektriko jasangarrien bidez
Neosub ekodiseinu-irizpideak azpiestazio elektrikoen fabrikazioan integratzen dituen bi urte eta erdiko proiektua da. I+G proiektu honek Euskadiko Energia Klusterraren, Boslanen, Tecnaliaren, Artecheren, General Electricen, IK Ingenieríaren, Ingeteamen, Ormazabal Distribución Primariaren, Ormazabal Ólvega Transformadoresen eta ZIVen elkarlanaren bidez jorratzen da, ‘Ekodiseinatutako azpiestazio elektrikoa: eraginkortasuna eta jasangarritasuna’ deitutako lanean. Proiektu hau FEDER diru laguntzen bidez finantziatu eginda, eta Eusko Jaurlaritzako diru laguntzak ere baditu.
Neosub diseinu ekologikoko alternatiben aukera zabaletatik eta Euskadiko sektore elektrikoak horren inguruaren aldeko apustutik jaio da. Proiektu honek sektore elektrikoaren balio-kate osoaren ingurumenarekiko portaera hobetzen du, prestazio teknikoak mantentzen edo hobetzen eta kostuen murrizketa bermatuz.
Ekimen honen helburu orokorra energia elektrikoa transmititzeko eta banatzeko instalazioak diseinatzea eta garatzea da, kostuetan eta jasangarritasunean modu lehiakorrean eragingo duten ekodiseinu-irizpideak jarraituz. Materialen eta energiaren kontsumoan eraginkortasun handiagoari esker, ekipoen berrerabilerari esker eta emisioak eta/edo isurketak gutxitzearen bidez, ingurumen-inpaktua eta ekoizpen-gastuak murrizten dira.
Neosub proiektuak metodologia bat definitu du eta azpiestazioak diseinatzeko tresna batean integratu du, bizi-zikloaren aldagai guztiak aintzat hartzeko eta diseinu-fasetik bertatik kontuan hartu ahal izateko. Era berean, efizientzia-adierazle berriak definitu dira, azpiestazio bakoitzaren bizi-ziklo osoari eragiten dioten prozeduretan bai ingurumenean eta baita ekonomian dauden eraginak jasotzeko .
Prozesua lan teknikoan oinarritutako sei fasetan banatzen da. Fase horien artean, ekodiseinu-baldintzak betetzen diren ebaluatzeko aplikazio bat, ingurumen-inpaktu txikia duten banaketa primarioko gelaxkak eta material ez-ekologikoen erabilera gutxitzeko babes eta kontrol sistemak landuko dira, haien eraginkortasuna eta fabrikazio-prozesuak hobetuz. Gainera, dielektriko biodegradagarriak eta borne metalikoen blokeak erabiliko dira, kanpoko zirkuitu elektrikoarekin konektatzeko puntu horietako materialak aldatuz. Neosub 2020ko abenduan amaitzea aurreikusita dago, proiektuaren emaitzak hedatzeko eta ustiatzeko fase baten bidez.
Neosub Euskadiko Energia Klusterrak sustatzen duen ekimena da, Boslan buru duena eta teknikoki Tecnaliak koordinatzen duena. Ik Ingeniería esparru metodologikoa garatzeaz arduratzen da, eta Boslanek azpiestazioaren eta erabilera-fasean hauek duten jokabidearen ikuspegi orokorra ematen du. Gainera, proiektuak Ormazabal Distribución Primaria, Ormazabal Ólvega Transformadores, Arteche eta General Electric, Ingeteam eta ZIV sare elektrikoetarako ekipoen fabrikatzaile ezagunen ekarpenak jasotzen ditu.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa