Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 30 ekaina, 2021 Berrikuntza Ekintzailetza Finantziazioa I+G Araudia BIND Bio-osasuna Fast Track Innobideak programa Ris3 Euskadi UP Euskadi

Nexkin Medicalek finantziazio kanpaina bat ireki du merkatuan sartzeko

Donostiako enpresak 800.000€-rainoko kanpaina ireki du Capital Cell plataforman biozientzietan interesa daukaten inbertitzaileentzat

Nexkin Medicalek, alergien inguruko medikuntza teknologia garapeneko enpresa gipuzkoarrak, finantziazio kanpaina bat ireki du Capital Cell-en, Europako biozientzia sektorerako lehenengo equity crowdfunding plataforman. Finantziazioak 800.000€ biltzeko helburua du eta dagoeneko %60-a baino gehiago lortu da gutxi gorabehera 100 inbertitzailek egindako ekarpenei esker.

Lortutako kapitala enpresaren lehenengo produktua Europako merkatura ateratzeko erabiliko da: Nexkin DSPT izeneko aparatua, alergiak hautemateko prozesua automatizatzeko eta digitalizatzeko balio duena. Horretaz gain, ekarpenek produktua Estatu Batuetan ere merkaturatzea ahalbidetuko dute.

Nexkin Medicalek garatutako teknologia hainbat ospitaletan erabiltzen dute dagoeneko, hala nola, Carlos III Unibertsitate Ospitalean (Madrilen), Arabako Unibertsitate Ospitalean, Donostia Unibertsitate Ospitalean eta Clínica Universidad de Navarra (Iruñan).

Nexkin Medicalek egungo bere kideen kapital pribatuaren ekarpenak jaso ditu bere teknologia garatzeko, kapitala handitzeko zenbait txandatan. Horretaz gain Eusko Jaurlaritzaren Hazitek programaren laguntza ere jaso du, baita Biozientziak Gipuzkoa Fundazioaren mailegu partehartzaile bat ere.