Nierbimo proiektuak eraikinen iraultza energetikoa bultzatzen du, ia autosufizienteak izan daitezen
Hiriak eraldatzea jasangarriagoak eta energetikoki arduratsuagoak izan daitezen erronka garrantzitsua da, eta, aldi berean, hiriak osatzen dituzten eraikinekin gauza bera egitea ez da erronka txikia. Hori da Nierbimoren asmoa. Proiektu honen helburua bizileku-eraikinak, industria-eraikinak eta hirugarren sektorerako erabiltzen diren eraikinak eraldatzen laguntzea da, energia kontsumoa ia nulua izateko, energiaren erabilera efizienteagoa eta jasangarriagoa izan dadin.
Proiektuaren burua Giroa (Veoliaren kidea) da, eta Tecnalia edo Tekniker (BRTA aliantzako kideak dira biak) zentro teknologikoek eta Arabako Zigor bezalako sektoreko enpresek parte hartzen dute. Ekimen hau Hazitek 2019 deialdiaren barruan sartzen da; hau da, Eusko Jaurlaritzako Ekonomiaren Garapen eta Azpiegitura Sailak sustatutako enpresen I+G bultzatzeko programaren barruan dago, eta Eskualde Garapeneko Europako Fondoaren (FEDER) laguntza du.
Zigor Corporación Gasteizen du bere egoitza nagusia, baina Mexikon eta Kolonbian ere du presentzia. Proiektuan teknologia berrien inguruan haiek duten ezagutzarekin laguntzen dute, prestazio aurreratuen osagai berrien azterketaren bidez. Gainera, tokian tokiko energia-kudeaketa optimizatuko algoritmoen ikerketa egiten dute, optimizazio energetikoa lortzeko eta mantentze-lanak hobetzeko.
Hiru urteko iraupenarekin, Nierbimo 2019an hasi zen. Lehen urte honetan, “eraikin digitalaren integrazio-arkitekturaren definizioan aurrera egin da, BIM metodologia tresna integral bat bezala erabiliz “, azaldu du Carlos Martinez de Guereñu, Zigorren I+G saileko zuzendariak. BIM metodologiari esker, eraikina lehen diseinutik, mantentze fasera ailegatuz kontrolatu ahal izango dute, haren bizi-zikloaren faseetan jarduten duten hainbat eragileen analisiaren bidez.
Era berean, aurrerapausoak eman dira eraikinetan egongo diren energia-berriztagarrien sorkuntzarako oinarrizko teknologietan eta biltegiratze termikoan eta biltegiratze elektrikoan. “Kontzeptu berri hau gauzatzeko, proiektuaren helburua benetazko hiru kasu pilotu egitea da“, adierazi du Martinez de Guereñuk.
Zigorren arduradunek adierazten dutenez, I+G arloarekin lotutako beste proiektu batzuk dituzte. Kontratu bat itxi berri du CYMI-INSAE ABEEarekin, Aenari 2,5 MW-ko potentzia-estazioekin hornitzeko. Estazio horiek Adolfo Suárez Madrid-Barajas aireportuan eraikiko den eguzki autokontsumorako lehen instalazio handiaren parte izango dira. Gainera, Elpive proiektuan ere parte hartzen du, osagaien teknologia berriekin lotuta, ibilgailu elektrikoaren azpiegituran erabiltzeko energia berriztagarria sortzera eta biltegiratzera bideratuta.
Lotutako albisteak
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.