OSASEN enpresak osasun arloari aplikatzeko moduko bio-sentsoreak sortu ditu
Fluxu biologikoak neurtzeko patente bat aurkeztu dute duela gutxi
OSASEN euskal enpresak bio-sentsore propioak diseinatzen ditu osasun arloko diagnostikoei aplikatzeko. Sentsore horien bidez posible da fluxu biologikoak neurtzea, hala nola, izerdia, listua, gernua edo odola, eta orobat posible da diagnostikoak modu azkar eta sinplean egitea.
Bio-sentsoreak aurrerapen handia dira osasun sektorean, batez ere bat-batekotasuna eskaintzen dutelako; izan ere, osasun arloan ahalik eta denbora laburrenean hartu behar izaten dira erabakiak, eta bio-sentsore horiei esker, unean bertan egin daitezke analisiak. Gainera, eramangarriak dira eta erabiltzeko errazak mediku nahiz farmazeutikoentzat, aukera ematen dietelarik lagin biologiko bat 40 segundotan aztertzeko.
Produktu berritzailea da eta enpresa barruko I+G prozesu luze baten emaitza. Hainbat urtez elikaduraren sektorean lan egin ondoren, konpainia horrek erabaki zuen osasun sektorerantz dibertsifikatzea. BIOLAN 2009an hasi zen teknologia hori garatzen, gaur egun lortuak ditu nazioarteko baliozkotzeak eta heldutasun handia erdietsi du. Hala, 40tik gora herrialdetan merkaturatzen ditu elikadura sektorerako bio-sentsoreak. BIOLAN enpresatik sortu zen OSASEN, helburutzat hartuz osasun arloari elektro-kimika aplikatzea eta, elikagaien fluxuak aztertu beharrean, fluxu biologikoak aztertzea, horretan espezializatu delarik.
“OSASEN enpresak 3 urte daramatza I+G-n bakarrik lanean baliozkotzeak lortzeko, kontuan izanik prozesuak luzeagoak eta konplexuagoak direla osasunaren munduan elikadurarenean baino. Osasun arloko araudiak konplexuagoak dira, medikamenduen agentziatik igaro beharra dago, zeinak protokolo oso zorrotzak baititu eta, batez ere, oso luzeak” dio Asier Albizuk, OSASEN eta BIOLAN enpresetako zuzendariak.
Duela gutxi aurkeztu dute patente bat, fluxu biologikoetako metabolito interesgarriak elektro-kimika erabiliz neurtzeko. “Urte pare bat itxaron beharko dugu jakiteko patentea ematen diguten, eta zein gradutan” esan du Asierrek.
Etengabeko ikerketa-prozesuan murgildurik, bezeroen neurriko lanak egiten dituzte, parametro interesgarri pertsonalizatuak eskaintzen dizkete eta neurketa-sistema azkar, sinple eta eraginkorra bermatzen diete, beti ere konfidentzialtasuna zainduz. Beren bezeroen artean daude farmako baten eraginkortasuna monitorizatu nahi duten farmazeutikak edo patologia bat aztertu nahi dutenak, haren aurkako medikamenduak sortzeko.
Etorkizunari begira, lehenik eta behin, beren asmoa da proiektua garatzen jarraitzea –diru-laguntza publikoak dauzkate horretarako-, eta horrez gain, loturak egitea kapital adimenduna, hots, osasun arloko merkatuari buruzko ezagutza emango dieten bazkideekin.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat